Kar kalta ningani (30.10.14) a Chief Minister-in a hawn tak Champhai Chhangphut field-a synthetic football turf -------------------------------------------------------------------------------------------- Chhangphut field astro turf phah tak hi Govt of India, Ministry of Youth Affairs & Sports hnuaia Urban Sports Infrastucture Scheme atangin Rs.450 lakh sanction atanga siam a ni a.Turf phahna tur hian Chief Minister Pu Lal Thanhawla hian ni 1, August 2013 khan a lungphum a phum a. Hemi hnu hian tender chhuah nghalin, Lushai Engineers Ramhlun hnenah work order hi pek a ni. Chhangphut field-a phul lem phah hi a dung 110 metres leh a vang 75 metres a zau a ni a. Football line bik hi a dung 105 metrs leh a vang 70 metres niin, line pawnah free space 2.5 metres a awm kual chhuak vek a ni. Line marking zawng zawng hi rawng hnawih ni lovin, astro var phahin line-ah hman a ni (Lammuala mi nen a in ang lo). He synthetic football turf hi FIFA Standard niin, ‘Soccer’s Pro MS 60’ Limonta Sports Company, Italy siam a ni. Field-ah hian security fencing & normal lightin Rs.32,02,600/- senga siam a ni bawk a, a siam hna zawng zawng hi ni 11, October 2014 khan zawh a ni. Chhangphut field hi tunhmaa wheat chinna thin anih avanga chhangphut field tia vuah a ni a. Pu Chalbuaia leh Pu Damliana te ram thin niin, khawtlang hnenah field atana an pek a ni.
Posted on: Mon, 03 Nov 2014 05:47:45 +0000
Trending Topics
© 2015