Khadega Elboghdadi حدث بالفعل القصة دى حقيقية حدث بالفعل إمبارح كنت في مصر الجديدة بالصدفة فى واحد من المطاعم المشهوره (ماكدونالدز) كنت واقفة اجيب ساندويتش - دخل عيل صغير عنده حوالى 8 سنين لابس لبس متوسخ - ودخل بكل ادب للراجل بتاع الكاشير وقاله - ممكن شوية بطاطس ياعمو لو سمحت لانى جعان - الكاشير بصله بقرف وقاله اطلع بره وزعق فيه وطرده من المطعم - الطفل حط وشه فى الارض ومقلش ولا كلمه - بس دموعه نزلت قدامنا كلنا وطلع قعد على رصيف قدام المحل بيعيط واحد من الشباب اللى كانوا واقفين يشتروا من المطعم فضل باصص للطفل شويه وخرج من المطعم ورجع والطفل فى ايده ومسك ال menu بتاع المطعم - وقاله شاور على الساندويتش اللى انت عاوزه - الطفل قاله انا عاوز شوية بطاطس وبس - الشاب اصر ان الطفل يطلب الساندويتش اللى هو عاوزه - لارج - وطلب له معاه بيبسى وبطاطس وقعد الطفل على الترابيزه اللى فى وش الكاشير اللى زعقله - الولد دموعه نزلت تانى بس من الفرحه .. وكل الناس فى المطعم كانوا مبسوطين جدا لسه الدنيا بخير .. والموقف ده ادانى امل . ولسه غالبيتنا عندهم طبقيه مريضه #زهراء
Posted on: Fri, 15 Nov 2013 21:11:12 +0000
Trending Topics
Recently Viewed Topics
© 2015