Khalid Bin Ebrahim TUDTULAN KU ISA A DALPA A SANGAT A MISKINAN KANU TIMPO NU MUSA (AS) Guna bagangay si Musa (as) lu sa palaw sa tur, kagina langon nu mga Nabi na c Nabi Musa (as) i Nabi a direct i kapedsebong nu Allah swt lun (surah a’raf 164) endu uman lima langon na pagangay ka pedsebong silan ku Allah sa jabalut-tur….aden isa a dalpa a nasagadan nu NAbi Musa (as) a miskinan sa langon a dalpa ka mapia o makakan silan sa makaduwa sa kagagabiyan…guna mailay nu mga taw kanu dalpa c Nabi Musa (as) na inidsan nilan o endaw pagangay,,,ya nakasumpat nu Nabi Musa (as) na pagangay sekanin lo sa jabalut-tur ka pedsebong silan ku Allah swt…bali nangeni midtutuma su mga taw lo kanu dalpa kanu Nabi Musa (as) sa pangenin pan ku Allah swt i padsengkan pan atawka salinen pan nu Allah swt i katamanan nilan sa apya telo lagon bu (3 years) ka endu katekawan nilan pan i mapia a uyag2x sabap sa kapasang na katamanan nu taw antu ku dalpa… taman sa ya nadtalo nu Nabi Musa (as) na entudumba i paganay a pangenin ku Allah swt …malengkas a tudtol ka nakadsebong den man silan ku Allah swt endu nasawal nu Allah swt su pangeni nu mga taw antu…guna paguli su Nabi Musa (as) na minukit sekanin lu ku dalpa ka endu pidtalo nin i sinawal nu Allah su pangeni nilan a telo lagon na mapia den i katamanan nilan na nangapia a benal i ginawa nilan… guna makalipos c Nabi Musa (as) taman sa malengkas a tudtol na migkawasa den su taw nu dalpa sa aden den mga malambeg a mga walay atawka building nilan,,, nauma den su telo langon a kapasadan ugid na kabaguwan atawka nagip su mga taw ka da bun maawa sa kanilan su mga kakawasan nilan taman den man sa nauma den su lima lagon (5years) a kapembalingan ni Nabi Musa (as) na lu bumba sekanin minukit ku dalpa antu a miskinan I taw nin… nasagadan nin su dalpa ugid na dinin den kakilala i mga taw endu dalpa antu ka mga mapia su mga walay endu malambeg,dala mailay a miskinan ka kawasa den tanan… pibpawangan nu mga taw su NAbi Musa (as) ka napakilala silan ku Nabi Musa (as) sa silan bantu su mga taw a mga miskinan taman sa aden menem maya ipedtutuma nami salka,inidsa nu NAbi Musa (as) ,taman sa pidtalu nilan i: ya nami menem ibpapagidsa salka Musa (as)ku Allah swt na ngin i sabap nin ka dala kuwaya nu Allah swt su kakawasan nami nginunta na ya bu nabpasadan na telo lagon bun a kuwan den su kakawasan a inenggay Nin salkami….taman sa tinemalos den su Nabi Musa (as) endu nakauma den…..guna den su pedsebOng silan ku Allah swt na inidsa nu Nabi Musa (as) den su inidtutuma nu mga taw salkanin…… ya nakasumpat nu Allah na tigin: Musa katawan nengka i mga palangay atawka ula-ula nu mga taw anan paganay na di silan mamagayon,dili edtatabanga,mga singit silan,dili semimba sa Laki,dili mamagisa-isa sa kabpuluwan nu isa su kanggula nilan endu ped pan a mga mawag a galbek ugid na guna nengka talu kanilan i sinawal Ko i pangeni nilan,na ya nengka kinalipos kanilan na namangeniya silan sa Lillah (ampon),sinemimba silan sa Laki,midtatabanga silan taman sa migkakalimuwaya sa endaw i makan nu isa sa kanilan na makan nu isa endu pedpan a mga mapia a galbekan….na panun man Musa i kakwa KO kanu rizki Ko a inenggay Ko kanu ulipen Ko a pamaginugot den silan,na ikaya Ko Musa kanu ulipen Ko a pamaginugot i kuwan Ko kanilan su rizki Ko inunta na su dili pamaginugot na di Ko bun pegkuwan su rizki Ko kanilan….the end Muli siya na ipag’address ku I niya a tudtulan kanu kinadtalo nu Allah : ﺇِﻥَّ ﺍﻟﻠَّﻪَ ﻟَﺎ ﻳُﻐَﻴِّﺮُ ﻣَﺎ ﺑِﻘَﻮْﻡٍ ﺣَﺘَّﻰٰ ﻳُﻐَﻴِّﺮُﻭﺍ ﻣَﺎ ﺑِﺄَﻧْﻔُﺴِﻬِﻢْ INNALLAAHA LAA YUGAYRU MAA BI QAWMIN HATTA YUGAYRU MAA BI ANFUSIHIM sabenal-benal na su Allah na dinin salinen su kataman nu taw ya di tabiya na umbayan nilan su mga ginawa nilan
Posted on: Wed, 05 Mar 2014 21:22:37 +0000
Trending Topics
© 2015