Ko e Taha Eni o e Ngaahi Talanoa Ki He Hisitolia o Kaufana Ko hono 4 o e Hafoka ko Kaufana, koe Tamai a Kaufana ko Halaevalu koe foha o Hafoka - Ataata Manu-e-Toafa pea koene fae ko Alakihihifo koe ofefine o Lavaka Vaivai. Nae taai e Kaufana a e vaka papaalangi i Haaluma pea nau fkheka fkvaveve ai o fana mei vaka ki uta, pea nae iai a e vaka e taha nae taai I Ohonua, i Makafoavaka, pea nau fetuku a e meakai kapa oe vaka o laku ki tahi, pea fetuku a e mahoaa o huai ki uta, o tuku a e mahoaa kenau Navu kae hae a e tangai o nau vala, heiilo pe naanau Navu fefe a e mahoaa ka naanau ui a e mahoaa koe Navu papaalangi. Nae toe keli ene Kolo tau e 3 i funga Fonua koe taha ko Kafikefika, Telealoto mo Fakaafukula, koe ngaahi hiku telea kotoa pea toki ngaahi a e fuu kolo tau o ui ko papaalangi he nae tuku takai ai ene ngaahi mea fana Fonua, pea ko hona kolo hufangaanga ia mo Seniola ( Puaka Tau ) mhk. Koene kolotau e taha nae keli ihe vahaa i he vai ko Aokai ki he Tokelau, Matavai ki he Tonga, pea ko Longoakau mo Matavai ki Hihifo, pea ko Utulifuka mo Anaahu ki Hahake. Lolotonga ia kuo tau a Misa Kapuleni o ohovale ihe keli kolotau a Kaufana pea fai atu e talanoa ki he faa vaavaa kovi a Eua pea talanoa ai a Kapuleni ki he Toa o Loma moenau ngaahi kolotau pea malieia a Kaufana one ui ai ene kolotau ko Loma, koe talanoa koia nae mau e Hafoka Havili i heenau Folau ki Australia pea aluange ai e matapule e taha mei Niueaulele ona talanoa mo Havili one ilo koe Tonga peane kole ai Kia Misa Uti ke tukuange a Havili kena oo ki hono api, ihe ena huu ki hono fale naane fekau ka Havili ke mamata ki he ngaahi taa motua one tuhui ha tangata Tonga one fkhaa ange ko Kaufana ia, ne kole e Havili kene fktau ka nae ikai tali ehe matapule he koenau koloa tukufkholo fkfamili, pea toki talaange ai e Havili koe uhinga ene kole he koene kui ia ( Kaufana ) pea toki fai a e talanoa kiai a e matapule koe hako ia o Kapuleni. Nae toe keli e Kaufana ene kolotau e taha o ui ko Utumata koe leohi ia oe taulanga i loto Ohonua, pea ai a e ongo fuu maka o kau matapa aki, pea fk hingoa ko Afengatoto a e maka ki Tokelau pea ko Tatua a e maka ki he Tonga, o hanga lelei ki Hihifo aia koe tahi ia, ne pehe nae keli a e kolo meihe maka ko Tulikiitelea o fkloloa o tau ki he maka o e api ko Komo meihe Tonga, koe uhinga tokua oe Tatua he koe Toa e taai mei loto o tafoki ke hola pea toki ta mei tua, pea koe uhinga o e Afengatoto, ilonga pe e afe ki Umata e malingi hoona toto . Koe feituu nae toitoi ai a e kau tau I loto kolo nae ui ko Nasi, koe kau tau ia naanau leohi a e lepa, pea koe ngaahi nofoanga tau e niihi i loto kolo ko Kolotoka, Nafualu mo Tapakini Oku ikai ha fieiloilo pe ngutu tamulea ki houeiki ka koe ngaahi fkmatala pe a e matua ne fai ai e tutupu, oku pehe ne fai a e maaimoa a e Langi mo Taufaahau i Velata, pea hau e fekau meihe Langi ( Laufilitonga ) Kia Kaufana ke oange ha Akau tau papaalangi pea oange ai e Kaufana e meafana Fonua e taha moe ongo Laifone, hili ia nae tau hake e Folau a e Tui Haapai ( Taufaahau ) moe ongo toa vavau e toko ua ko Tongapoteki mo Afuhaamango, oku lahi a e fkkikihi ki he fanga ne hake ai e folauni ka koe talanoa a Kaufana oku fktaha ia moe talanoa a Taufaahau o pehe ne nau tuuta i he fanga oku tuu ai e fuu maka oku tuu he loto oneone, oku tau ki he pamaka maolunga moenau aa ki he tahi oku oho ki loto Fonua o nau fetaulaki ai moha fefine oku hifo mai mei he pota siale, pea oku mahino ai ko ufilei e fanga koeni. Teu kii dot com ai kae fai ha kii kumi kumi hahahaha
Posted on: Sat, 01 Mar 2014 02:26:17 +0000
Trending Topics
Recently Viewed Topics
© 2015