LAMTLUANG MID DAY NEWS *Mizoram Baptist Kohhran ten Area Baptist Council (ABC) inkhawmpui an hmang mek a, tukin inkhawm ah khan Upa nemnghehna neih a ni. Zaninah inkhawmpui an tiak ang. *Vawiin ah Manohar Lal Khattar chu Haryana Chief Minister thar atan lakluh a ni ta. Amah hi kan rawn tarlan tawh thin angin BJP atanga Chief Minister hmasaber a ni. *Presbyterian Women Fellowship (PWF) 15th Biennial Conference, Churachandpur, Manipurah neih mek a ni a, thupuiah ‘Rise up and Build’ tih hman a ni. *Zirtawp zan atanga tanin UPC(NEI) hnuaia District pathum : Aizawl East, Chhimtuipui leh North Mizoram District-te chuan Missions Department Conference an hmang mek a. Aizawl East District-in N. Vanlaiphai ah, Chhimtuipui District-in Lawngtlai ah, North Mizoram District-in Kolasib hmunahte an hmang mek a ni. *Salvation Army Central South Division chuan Dt.24 – 26/10/14 hian Ngopa ah Men’s Fellowship Rally an nei a. He khawmpui hi Major S.Biakliana Divisional Commander chuan a ho a, DHQ Staff ten an tawiawm bawk. *Mizoram UPC hmeichhe inkhawmpui lian LAD General Conference Vawi 20-na chu nizan Zirtawp zan atang khan Thenzawl Playground-ah tan a ni a, zaninah an tiak ang. *KTP, Evangelical Free Church of India (EFCI), Aizawl Presbytery Annual Conference vawi 19-na chu Ramhlun Venglai EFCI centre ah hman mek a ni. *Directorate of Food, Civil Supplies and Consumer Affairs Deptt. thuchhuahin a tarlan danin eirawngbawlna Gas bur khat Kg. 14.2 zela rit chu Show room-ah bur khat cheng 412 leh a semchhuahnaah cheng 437 a ni tawh dawn .Hetih lai hian Tanhril, Sakawrtuichhun, Selesih leh Samtlangah te chuan semchhuah a nihin cheng 5 zel lak belh tur a ni a, Sihphir leh Lungdaiah te chuan bur khatah cheng 15 zel lak belh a ni dawn bawk. He ruahmanna thar hi Oct.24, 2014 atang khan hman tan nghal a ni. (DINGDI) ---------- He page hi i thian te lo like tir ve rawh le.
Posted on: Sun, 26 Oct 2014 07:09:02 +0000
Trending Topics
Recently Viewed Topics
© 2015