Lesson Summary By: Pastor Roger T. Lopez Mindanao Sanitarium and Hospital College Leksyon 8 alnag sa Agosto 24, 2013 Ulohan: Kabuot: kasegurohan sa pagpabuhi: Abi ninyo kining kabuot mao ni ang cenibuhano sa pulong English, “Discerment” kon kabuot/panabot. Kini nagahulagway sa utoknon nga kasayuran. Ang baligtad niini mao ang pagdugang sa pulong wala unya koha-on ang pulong ka, ang resulta” way buot”. Kon ang usa katawo gani tawgon way buot, kana nagpasabot wala niya mahimong husto ang unta hustong himoon panabot. Bersekulong Sagulohon: Salmo 119: 159-160 “Palandunga kong giunsa ko sa paghigugma ang imong mga lagda: Buhion mo ako Oh Jehova, sumala sa imong mahigugmaongkalolot. Kamatuoran mao ang natingban sa imong pulong; Ug ang tagsatagsa sa imong matarung mga tulomanon nagapadayon sa walay katapusan.” “Ang bag-o ug kahibulongan nga mga butang magapadayon sa pag tungha aron sa pagiya sa katawhan sa Dios ngadto sa sayop nga kaikag, relihiyoso nga pagpabuhi, ug mga interes sa pagporma” E.G.W. (Selected Messages, vol. 2, cp. 1, pg. 17) Ang Biblia nag baod kanato mahitungod sa uban nga kalihukan sa pagpabuhi nga ang yawa ug ang iyang mga manulonda mao ang nagmugna. Si sister White nag sulat nga ang maong mga kalihukan magasukad bisan gikan sa katawhan sa Dios. Sa atong mga kaiglesiahan adunay mga magtutuo nga adunay ilang kaugalingon nga panabot, nga usahay maga ganoy sa uban ngadto sa dili husto nga panabot sa pagpabuhi. Nan unsaon man nato pag-ila tali sa sayop ug sa matuod nga mga pagpabuhi? Kinahanglan atong tun-an ang kadugtungan tali sa pagpabuhi ug ang mosunod nga mga topiko: 1. Ang Biblia. 2. Ang atong kadugtungan sa Dios. 3. Ang mga sugo. 4. Ang relihiyoso nga balanse. 5. Ang mga milagro. 6. Ang bunga sa Espiritu. Ang pagpabuhi ug ang Biblia “Inig-abut sa Espiritu sa kamatuoran, kini siya mao ang magatultol kaninyo ngadto sa tibuok nga kamatuoran; kay siya dili magasulti sa iyang kinaugalingong pagbulot-an, hinonoa ang iyang madungog mao ang iyang igasulti ug ang mga butang nga umalabut iyang igatug-an kaninyo. ” (John 16:13) Ang tanang tinuod nga pagpabuhi gituga sa Balaang Spiritu. Siya nagahatud kanato sa tibook kamatuoran. Ang kamatuoran dili makasumpaki o magbaliwala sa kamatuoran nga gipadayag sa Balaang Spiritu pinaagi sa Biblia (2Ti. 3:16) Ang Biblia adunay gahum sa pagpabuhi (Psalm 119). Ang matag pagpabuhi nga wala ma base sa Biblia maoy usa ka sayop nga pagpabuhi. Kon diha sa Iglesia adunay mga pagpabuhi nga dili pinasikad sa Biblia kana nga pagpabuhi us aka sayop nga pagpabuhi. Magmatngon ta basin malingla ta sa mini nga pagpabuhi. Kon kini atong nasinati-an sa atong Iglesia nan atong konsultahon kanunay ang Biblia ug walay lain gawas sa Biblia. Atong tamdan kining mga pulonga, “Ngadto sa Kasugoan ug sa pagpamatuod! kong sila dili managsulti sumala niining pulonga, sa pagkamatuod walay kabuntagon alang kanila. ” (Isaiah 8:20) Ang pagpabuhi ug ang atong pagkadugtong sa Dios Ako mao ang tanum nga parras, kamo mao ang mga sanga. Ang magapabilin kanako, kang kinsa magapabilin ako, mao siya ang magapamungag daghan, kay gawas kanako wala gayud kamoy arang mahimo. ” (John 15:5) Tanang matuod nga pagpabuhi magatutol kang Ginoong Jesus sa halibihan pa gayod, ug kita mausab nga mahisama kaniya. Kon adunay pagpabuhi nga dili magtultol kanato kang Ginoong Jesus, inay, kini hinoon magtultol kanato palayo, nan kini mini nga pagpabuhi. Si Jesus nagsulti kanato nga kita magpabilin kaniya. Ang Greego nga pulong “abide kon magpabilin” nagkahulogan pagpadayon ingon nga kini presente, magpabilin. Ang kanunay nga pagpabilin diha kang Kristo, ug pagkasayod kaniya sa tinuoray. Nga nag usab sa atong mga kinabuhi ug nagiya kanato ngadto sa pagkamatinumanon. Kini mao ang kasing-kasing sa tinuod nga pagpabuhi. Ang pagpabuhi ug ang kasugoan “Siya nga magaingon, "Ako nakaila kaniya" apan wala magbantay sa iyang mga sugo, kini siya bakakon, ug wala kaniya ang kamatuoran” (1 John 2:4) Ang tanang matuod nga pagpabuhi magapuno sa atong kasing-kasing sa gugma ni Jesus. Kini magahatud kanato sa pagtuman sa kasugoan sa paghiguma sa usag-usa. Ang atong pagtuo kinahanglan matukod dili pinaagi sa pagbati. Ang kamatuoran wala diha sa bisan unsa nga mensahe nga nagasulay sa pagpabuhi kanato apan nagdumili sa balaod sa Dios. Igsoon, kon adunay nagapabuhi sa Iglesia apan nag palayo kanato sa pagtuman sa Balaod kana dili husto nga pagpabuhi. Pagpabuhi ug ang balance ang matag tinuod nga pagpabuhi kinahanglan kulangan niining duha ka dili maayo nga kinaiya: Pormalismo, unsa man ang pormalismo? Kini mao: Ang pagtuo nga pinasiKad sa relihiyoso nga mga ritual, customary ug mga porma nga pikitang tawo. Ang pagtuo nga dili motuhop sa kasing kasing ug mag himo kanato nga daw sama sa mga lubngananan nga pinaputi” (Mt. 23:27) ang lubnganan bisan unsaon gyod na siya ug paputi dili gyod na siya mahimong mausab lubnganan gyod na siya. Ang gawas puti tuod apan ang sulod mao ang patay. Mao kana ang pormalismo nga kinahanglan atong likayan. Si sister white nag pahayag… “Ato ba diayng tugotan nga kita nga nasayod sa kamatuoran sa Biblia nga ang pormalismo magakuha sa atong kadasigon ug ang pagtuo?” (Review and Herald, January 21, 1980) Panatico, unsa ba ang kinaiyang panitico? Kita mahimong dili balanse nga magtutuo kon kita magpasulabi sa pagpadako sa usa lamang ka ponto sa kamatuoran ibabaw sa ubang punto nga maghimo niini nga centro sa atong kinabuhi. Sa Iglesia dili kalikayan adunay mga magtutuo nga magapadako sa usa ka punto kon pagtulon-an unya kini himoon niyang maoy ray basihanan sa kaluwasan, kini nga pagtudlo kinahanglan likayan kay kini dili balance. “ Samtang ang repormasyon kinahanglan himoon uban ang kalig-on ug kausaban, tanang dagway sa sa pagpakaaron- ingnon kinahanglan likayan. ” (Counsels on Health, pg. 385) Ang kasing-kasing sa tanang tinuod nga pagpabuhi kinahanglan mao ang tinuod nga pagtuo. “kana mao ang pagtuo nga nagahimo kang Ginoong Jesus ingon nga personal nga manluluwas—pagtuo nga nag-ila sa atong pagkinahanglan sa panabang sa Dios, ingon nga wala kitay mahimo sa pagluwas sa atong kaugalingon, nga maggunit sa mananabang kinsa arang makaluwas nga mao lamang ang atong paglaum” (Reflecting Christ, January 7) Ang pagpabuhi ug ang mga milagro “Kong may motindog sa taliwala mo nga usa ka manalagna, kun usa ka magdadamgo sa mga damgo, ug siya magahatag kanimo ug ilhanan kun katingalahan. Ug mahatabo, ang ilhanan kun ang katingalahan nga iyang gisulti kanimo, nga nagaingon: Mosunod kita sa lain nga mga dios nga wala pa nimo hiilhi, ug kita manag-alagad kanila: Dili ka magapatalinghug sa mga pulong niana nga manalagnaa, kun niana nga magdadamgo sa mga damgo: kay si Jehova nga inyong Dios magasulay kaninyo, aron sa paghibalo kong nahagugma ba kamo kang Jehova nga inyong Dios sa bug-os ninyo nga kasingkasing, ug sa bug-os ninyo nga kalag.…” (Deuteronomy 13:1-3) Ang Biblia tataw nga nag pahayag nga ang mga milagro o ang katumanan sa mga tagna dili mga proyba sa katinuod sa pagpabuhi ug sa kalihukan sa repormasyon. Ang yawa ug ang iyang katawhan nga iyang gigamit makahimo sa paggamit sa mga gahum, timailhan, ug mga milagro nga bakak…aron sila managpanuo sa bakak” (2Ts. 2:9, 11) ug sila naglingla kanila nga nanagpuyo sa yuta pinaagi sa mao nga mga timailhan nga gitugot sa mananap nga mapintas” (Rev. 13:14) Talagsaon nga mga timailhan ug kahibulongan dili makapuli sa Panabot unya mosunod sa pulong sa Dios. Ang pagkamatinumanon maoy una; ang timailhan ug mga kahibulongan kanunay nagasunod. Ang pagpabuhi ug ang bunga sa Espiritu “Apan ako magaingon, panaggawi kamo diha sa Espiritu, ug ayaw ninyo pagtumana ang mga pangibog sa unod.” (Galatians 5:16) Ang bisan unsa nga pagpabuhi nga walay interes/kaikag sa bunga sa spiritu apan nagahupot sa gasa sa Espiritu maoy usa ka dilikado nga butang. Kinahanglan kita magmatngon sa mga kalihukan nga nag pasulabi sa gasa ug gahum sa balaang Spiritu inay nga pag patin-aw sa pagkamatinud-anon sa kabubut-on sa Dios uban sa nausab nga kinaiya nga nag padayag sa bunga sa Spiritu. “Kon kita magbuhat aron paghimo ug pagdasig sa pagbati, kita makabaton kon unsa ang atong gusto, ug labaw pa sa angayan natong masayran unsaon pagdumala. Sa kalma ug sa tin-aw “iwali ang pulong” (2 Timothy 4:2). Atong hinumduman nga dili maoy bulohaton nato ang pag pa interes. Ang Spiritu lamang saDios maoy makahimo sa maayo nga pagpadasig. Tugoti nga ang Dios magabuhat, ug tugoti nga ang sumosunod sa Dios maglakaw nga mahinay sa Atubangan sa Dios, nga magbantay, maghulat,mag-ampo, nga magatutok kang Jesus matag gutlo, nga gidumala sa Spiritu nga mao ang kahayag ug kinabuhi. Ang katawhan gusto ug timailhan, sama sa panahon ni Kristo. Unya ang Dios nagsulti kanila nga walay timailhan ang ihatag kanila. Ang timailhan nga angayan madayag karon ug sa tanang panahon mao ang pagbuhat sa balaang Spiritu diha sa hunahuna sa magtutudlo, aron ang pulong mahimong hinangpunon. Ang pulong sa Dios dili patay nga mga theorya kon panghunahuna, apan kini Spiritu ug kinabuhi. Ang yawa gusto nga kita kanunay ipahilayo gikan sa pulong, aron kita motan-aw ug maghandum gawas sa pulong aron kita magbati. Dili unta sila magapahimutang sa ilang mga tumong sa mga damgo ug mga pana-awon. Kon sila makabaton sa kinabuhing dayon, sila mukaon sa unod ug moinom sa dugo sa anak sa Dios. E.G.W. (Selected Messages, vol. 2, pg. 95 Daghang salamat sa inyong pagsunod niini nga post. mga panginuot Gikan ni Pastor Roger T. Lopez sa Seventh-day adventist Church nga nanukad dinhi Adventist Medical Center and College dinhi sa Dakbayan sa Iligan.
Posted on: Fri, 23 Aug 2013 02:38:40 +0000
Trending Topics
Recently Viewed Topics
© 2015