MIBO HMUH A NI TA TV leh facebook lamah te in lo hmuin ka ring, Serchhip pa pakhat, nimin zing dar 10 vel atanga bo kha zanin dar 6:30 vel khan hmuh a ni ta e. A botupa hi thluak cancer a ni awm a, chemo khai tura rawn kal a ni awm e. A chemo khai zo kha kan veng, kan thenawma an naute inluahah a rawn haw a, nimin zing dar 10 vela a chhuak kha a rawn haw ta lo tlat mai a, hmun danga an chhungte inah a haw bawk si lo; an buai ta viau mai. A rawn thlenna te pa ber hi city bus driver a ni a, nizan thimhlim vel khan kan kawmthlang lawk, Venghnuai-a in pakhatah a thlenna pate in hi a lo zawt a, a lo zawha ber chu a thlenna pa conductor a lo ni hlauh bawk. Ani chuan a lo hrilh a, “Ka phone sak dawn che em ni?” te pawh a lo ti a, mahse a botupa kha inthlahrung mi tak a lo nih avangin a lo duh lo va; chumi hnu chuan a thlenna kha a zawng hmu thiam ta lo ni tur a ni. Chutiang chu a lo nih tak avangin zanin dar 6:30 khan Branch YMA Emergency Meeting koh a ni a, committee tan hmain kan President a tawngtai a, a tawngtai zo chiah tihah ‘Ramhlun Vengah an hmu e’ tih thu kan dawng ta a ni; kan lawm khawp mai (Zanin khan Ramhlun Veng (Zangena Petrol Pump bul lawk)a an chhungte inah a lo lut hlawl mai a ni awm e; kan vengah hian a damdawi ei laite a dah avangin a rawn phei leh dawn niawm tak a ni). Kan President lah fiamthu duh ta reng reng hi a nia, “Khatianga tawngtai chhanna thleng rang kha in la hre lo vang,” a ti deuh chhen! Hei, kan vengah hian Pathian atanga tihdamna nei, mi pawhin an pan lar ve tak Pu Tea a awm a, kan kohhran upa a ni; kan President chuan, “Pu Tea rawngbawlna ai pawhin a nung zawk ang em aw?” te a han ti vel a, kan va nui nasa em! Kan President hi chu a tha ve hrim hrim, PHE Dept-ah hian SE lai a ni ve a, keini ho mai mai pawh hian thian kawmin kan kawm a, fiamthu thawhin kan nuihpui duar duar thei. Kan thlakhat hlawh a intam hleih nen hian maw.... #Biakmuansangi_Hmar pa hi chu a fel a nia! Hahaaa PS: Committee kan tran hma deuh hian ka kamis ban thleh kara hmeichhe sam lo kai chu paih pahin, “Hmeichhe sam te ka lo kai a nih hi mawle,” ka han ti fiamthu a. Pu Faka leh Thiangpuia’n, “I nu sam a nih dawn chu,” an lo ti var a. Keiin, “A ni lo vang, a kir lo tlat,” ka ti a, Pu Faka’n, “A kir lo maw? Ramngaihi (ka nau) sam a ni ang,” a la ti tralh! An va sual e aw! ;) :) =D
Posted on: Wed, 12 Nov 2014 14:04:25 +0000
Trending Topics
Recently Viewed Topics
© 2015