MITTUI ****** Pianphungah mite angin mawinate, that nate neive lo mah ila, thinlung, rilru in mite angin ngaihtuahna a hmang ve fo thin si a. Kan chenna hmun tar lam tawh, siamtun a duan ang pawha, hun bi chhiar a har hun chawhnu tawhah hian, ngaihtuahna leh suangtuahna mitthla hian tuk zan ka hmang leh thin a, hlimna te hi mite ta tur bika dah mai palh a awl duh hle mai, chutiang zawnga ngaihtuahna hman chuan, leilung hian min diriam ta mai bik emaw tiin siamtu dem mai palh a awl duh hle ani... Kan hringnun thawnthu hi tahna in bul kan lo tan a, kan hringnun zin kawng kan zawh tawp ni pawh tahna bawkin kan thlah liam thin, chu thil chu tui let hma leh tui let hnu pawh a lei dan danglam ve ngailo a ni, tah hi nun zawng zawng famkimna a ni si a ! Lawm luat avangin kan tap thina, thinlung nat luat avangin patling biangah mittui a luang thin a ni si.. Tah hi hringnun in suihkhawmna hruipui a ni a, lungngaihna vawrtawp lan tirna chu tah hi a ni, hlimna vawrtawp lan chhuahna pawh tah a ni a, hmangaihna vawrtawp par chhuahna pawh tahna tho a ni. Mihring hi tap ngaita lo ila engtin nge nun h a famkim theih tak ang ,? Kan nui hmel ringat hian kan lawmna tak ak a pho chhuak zo lo va, kan lungngai hmel ringat pawh hian kan tawrhna tak tak a pho chhuak phak hek lo, engkim nen nghehna chu tah a ni.. I tawngka leh i che zia ai chuan i mittui far khat lek pawh khan i thinlung chhungril tak tak kha a lan chian tir zawk daih a ni tih te hi i ngaihtuah ve ngai em , ? Kan mit atanga, MITTUI lo luang chhuak hi tui naran lo chhuak a ni ngawt lo va, thinlung chhungril lo luangchuak a ni zawk e..
Posted on: Tue, 04 Mar 2014 09:05:50 +0000