MORNING REPORT : 9th SEPTEMBER, 2013 THAWHTANNI (Zonet Zing Daifim, 7:30 a.m.) Police Report : Tukin hian Kolasib, Mamit leh Vairengte Police Station te kan be thei lova, kan hriat theih chinah chuan nizan lamah thil thleng duhawm lo sawi tham a awm lova, Lock Up ruak 5 a awm a ni. Aizawl Police Station zurui leh traffic case a man tualchhung mipa 7 leh rukrua rinhlelh man Vai 7 an kawl a. Bawngkawn PS ah mipa 10 leh hmeichhia 1 kawlin, an zingah hian remand lai mipa 1 tih loh chu khawm case a man vek an ni. Lawngtlai PS ah rukrua rinhlelh man mipa 6 kawlin Saiha PS ah zurui insualbuai leh rukruk vanga man mipa 5 an kawl a. Vaivakawn PS ah pawisa bo chungchanga rinhlelh man mipa 2 an kawl a ni. Traffic Report : Inrinni-a Aizawl a Traffic Rules bawhchhia man zat : Two Wheeler 12, Taxi 7, LMV 9 fine tlingkhawm Rs. 7,200/- Hospital Report : Nimin tlai dar 5 atanga tukin dar 7 thleng Aizawl Civil Hospital Casualty ah emergency case 60 an nei a, mitthi an nei lova. Nizana Civil Hospital Casualty pantu zingah hian pumna an tam ber a, two wheeler-a accident-na lama hliam tenau nei an awm nual bawk. OD hruai an awm lova, Zurui medical 4 an awm a, Khum ruak a awm lo. Labour Room ah Inrinni zing atanga tukin thlengin nau piang 22 an awm a, mipa 14 leh hmeichhia 8 niin an zinga mipa 1 leh hmeichhia 2 chu zai chhuah an ni a, vawiina nei tur 7 an awm bawk. Synod Hospital Durtlang ah nizan khan emergency case 15 neiin heng zinga 9 chu admit an ni a, mitthi 3 lai an nei. Nizana Synod Hospital Casualty pantu zingah hian pumna leh khawsik an tam ber a, Ward thenkhatah khum ruak tlem an nei. Lawmna Ward ah nau piang 4 awmin mipa 1 leh hmeichhia 3 an ni a, vawiina nei tur 8 an awm bawk. New Life Hospital ah nau piang 3 neiin khum an full a. Kulikawn Hospital ah nau piang 1 awmin vei mek 2 an la awm bawk a, BN Hospital ah nau vei mek 1 a awm bawk. Care Hospital ah khum an full a, Greenwood Hospital ah Cabin full in ICU ah na zual 4 an nei a; Aizawl Hospital ah Cabin full in ICU ah na zual 5 an nei bawk a. Nazareth Hospital Ramhlun North ah te, Adventist Hospital ah te, Grace Nursing Home leh Alpha Hospital ah te Cabin an full a. Bethesda Hospital ah Cabin ruak 2 an nei. Lunglei Civil Hospital ah nizan khan emergency case 35 neiin mitthi an nei lova, nau piang 3 an nei a, khum a full a ni. Power : SLDC atanga thu kan dawn danin nizan dar 6 a phai lam atanga power kan hmuh tam lai berin 61.98 MW kan hmu a, Serlui B Hydel Project atanga siam chhuah 7.8 MW nen kan hman zawng zawng 69.78 MW a ni a, load shedding ngai lovin kan eng kim thei a, line chhia report sawi tham a awm lo a ni.
Posted on: Mon, 09 Sep 2013 02:15:07 +0000
Trending Topics
Recently Viewed Topics
© 2015