MPSC CHAIRMAN-IN Z0 MATRIOTIC FRONT(ZMF) HRUAI TUTE LEH MIZO THALAI HNAZAWNG MEKTE A HMU HLAU EM NI? Nimin ni 27 March, 2014-a Mizoram Public Service Commission(MPSC) Excise Sub-Inspector hnalak a felhlel awm chungchangah physical test-a tling si mahse tlinglo anga dahte leh witness ho hruaia ZMF hruaitute leh Mizo Thalai Hna zawng Mekte fb group aiawh te chuan MPSC Chairman hnenah petition an thehlut. Visiting card an ziak a an pek luh hnu ah MPSC Chairman hian in leng alo neih avangin nghak tura tih an ni a. A hnu deuh ah chuan Secretary hmu zawk tura tih an ni leh a ni. Secretary hmu tura an va kal chuan chawhnu dar hnih(2:00pm) hnulam atang chauhin a hmuh theih dawn tih hrilh an ni leh a. Chutih lai tak chuan Chairman Personal Assistant(PA) lamin rawn ko lehin min lo nghak lawk rawh se a rawn tih tir leh a. Pawna anlo nghah hnu reiloteah anla rei dawn avangin an hmuh theih loh thu an rawn sawi leh a, Petition letter pawh chu PA hnenah Chairman hnena thawn luh tura hlan ani. PETITION LETTER TO CHAIRMAN OF MPSC: To, The Chairman, Mizoram Public Service Commission, Aizawl, Mizoram. Subject: Letter of petition. Pu zahawm tak, Keini Zo Matriotic Front(ZMF) leh Mizo Thalai hnazawng mekte Facebook group chuan heng a hnuaia mite hi ni 19-22 November, 2013-a MPSC Excise Sub Inspector hnalak naa thil tihsual nia kan hriatte kan rawn thlen e. 1. Roll number 1056 hi test zawng zawng paltlang vek ania mahse tlinglo anga dah a ni a exam tura koh ani lo. 2. Roll number 1795 hi test thenkhat paltlang lo ania mahse in tihsual avanga tlin tir a ni a exam tir ani bawk. 3. Roll number 1788 hi test zawng zawng paltlang vek ania call letter pek anilova mahse Aizawl lama a chhungte hmalakna zarah a exam thei chauh a ni. Heng a chunga kan han tarlante bakah hian an Roll number hriatloh test paltlanglo an hming kan hriat si, exam call letter dawng pawh an awm a. Test zawng zawng paltlang vek si mahse tlinglo anga dah an awm bawk. Heng hohi hmaichhanah emaw RTI hmanga hriat tura dah an ni. Tun hnua Zo thalai hna zawng te tana a awlsam zawk nan leh langtlang zawka thil a kal theih nan heng hi rawtna kan rawn thlen bawk e. 1. Physical test neih reng rengah Video camera-a lak kan duh. 2. Hna interview lai video camera/CCTV-a lak tha kan ti. Hei hian interview langtlang tak a siam thei a ni. 3. MPSC combined preliminary exam-ah hian question diklo leh answer awm lo compensate ngai a tam thei lutuk hi awm tawh lo turin kan duh. Vawi hnih prelim exam tawhah question compensate ngai a tam ve ve khawp mai a, hei hi awm tawh lose kan duh. 4. Central hna exam thenkhat angin question leak out awm lose kan duh. 5. IBPS exam angin thingtlang lama awmte tan hriatloh palh emaw call letter dawn loh palh a awm tawh loh nan exam call letter hi phone SMS Alert-a kalpui nise tha kan ti. 6. Call letter/Admit card hi MPSC website atanga download theiha siam nise kan duh. 7. Tun hnuah chuan tling lo tih tlin te, tling si tling lo anga dah ang chi hi awm tawh lose kan duh bawk a ni. Heng kan thu thlente hi min ngaih pawimawh saka a ranglama hma min laksak theih chuan kan lawm hle ang. Dated: Aizawl. The 27th Marh, 2014. Petitioners (STEVE LALHRUAICHHUAKA) President Zo Matriotic Front(ZMF) (VANLALRAWNA) Chief Administrator of FB group Mizo Thalai Hna Zawng Mekte
Posted on: Fri, 28 Mar 2014 12:11:03 +0000
Trending Topics
Recently Viewed Topics
© 2015