Madad Mangna Kaisa? * Auliya-E-Kiraam Se Madad Lena(Saahib-e-Qabr Se Madad Lena) Kaisa Hai???? . * Kya Gairullah Se Madad Shirk Hai???? . * Rab Tabarak Wa Taala Quran-e-Kareem Mein Farmata Hain, (Tarjuma) Tum Khuda Ke Deen Ki Madad Karo, Khuda Tumhari Madad Farmayega. (Paara-26,Ruku-5) . * Waseela Aye Imaan Waalo, ALLAH Se Daro Aur Uski Taraf Waseela Talaash Karo. (Paara-6,Ruku-10) . * Hazrat Isa (Alaihis Salaam Ne Apne Ummatiyo (Hawariyo) Se Farmaya, Khuda Ke Liye Meri Madad Kaun Farmayegap? To Hawariyo Ne Kaha, Ham Deen-e-Khuda Ke Madadgaar Hain. (Paara-3,Ruku-13) . * Note: Agar Gairullah Se Madad Shir Hai, To Hazrat Isa (Alaihis Salaam Ne Aisa Q Kaha? . * Rab Tabarak Wa Taala Ne Roz-e-Meesaq Nabiyo Ki Ruho Se Waada Liya, Tum Mere Mehboob Par Imaan Lana, Aur Tumhe Unki Madad Karna Hain. (Paara-3,Ruku-17) . * ALLAH Hamari Jaan Se Zyada Kareeb Hai, Isliye Ham ALLAH Ko To Door Samajhkar Pukaar Hi Nahi Sakte Hain. ALLAH Paak Ko Dur Samjha To Ham Khud Hi ALLAH Se Door Ho Jayenge, Door Se To Ham Khuda Ke Bando Ko Hi Pukaarte Hain, Mehboob Bando Mein Nabi Alaihis Salaam,Sahaba Aur Wali ALLAH Aate Hain, Wali Ka Maayena Hota Hai, Dost, To Ambiya,Sahaba,Shaheed Aur Swaleheen Saare Hi, ALLAH Ke Dost Hain, Yaani Sab ALLAH Ke Wali Hain. . * Hazrat Musaa Alaihis Salaam Ki Madad Se 50 Waqt Ki Namaz Sirf 5 Waqt Mein Reh Gayi, Ye Madad Hazrat Musaa Alaihis Salaam Ke Wisaal Ke Baad Ki Hai. . * Hazrat Farookh-e-Aazam Ne Madina Munawwara Se Bahut Door Nahawand Mein (Kareeb 1200Km.Door) Mujaheedin-e- Islaam K Commander Ko Papsa Dekh Kar Aawaz Farmayi Thi, Yaa Sariya Tul Zabal Aye Sariya, Pahaad Ki Side LeLo! Aawaz Pahunchi Aur Us Par Amal Huwa, Aur Musalmano Ki Fatah Huwi. (Bukhari Shareef) . * Hazrat Abu Baqr Siddiq Ne Wisaal Ke Waqt Farmaya, Meri Tazheez Aur Taqfeen Kar Ke Roza-e-Rasool Paak Par Le Jaana, Aur Huzur-e-Akram (Sallallahu Taala Alaihi Wasallam) Se Dafan Karne Ki Ijazzat Talab Karna, Jab Huzur (Alaihis Salaam) Ke Qabr Anwar Se Jawab Mila, Ud Khalal Habeeba Ilal Habeebi Logon, Dost Ko Dost Ke Paas Pahuncha Do. (Sihaah Satta) Phir Hazrat Abu Baqr Siddiq Ko Roza-e-Rasool Ke Paas Dafan Kiya. . * Al-Quran: ALLAH Jis Ko Gumraah Kar De Usko Raah Batane Ko Na Murshid Mile Na Wali ALLAH. (Paara-15,Ruku-14). . * Ghajwaa-e-Badar Mein Kuffar Ki Laasho(Jo Jung Mein Mar Gaye) Se Huzur-e-Akram (Sallallahu Taala Alaihi Wasallam Se Farmaya, Khuda Ne Ham Se Fatah Ka Waada Kiya Tha Wo Poora Kiya, Aur Tum Bhi Apne Anjaam Ko Pahunche. Is Par Hazrat Farookh-e- Aazam Ne Arz Ki, Ya Rasoollallah(Sallallahu Taala Alaihi Wasallam) Kya Ye Murde Sun Rahe Hain? To Huzur (Sallallahu Taala Alaihi Wasallam) Ne Farmaya, Yasmaoo Minkum Ye Tum Se Zyada Sunte Hain. (Bukhari,Muslim Shareef) . * Gayab Ko Pukaarne Ka Hukm Khud Allah Taala Ne Hi Hazrat Ibrahim (Alaihis Salaam) Ko Diya Hai Ki 4 Parinde Zabaah Kar Ke 4 Pahaadiyo Par Ghosht Ko Daal Do, Phir Unko Aawaz Do Wo Zinda Ho Kar Tumhare Paas Aa Jayenge. (Paara-3,Ruku-3) Hazrat Ibrahim (Alaihis Salaam Ne Is Par Amal Kiya. . * 4 Paigamber Aaj Bhi Zinda Hain, 1. Hazrat Idrees (Alaihis Salaam Jannat Mein. 2. Hazrat Isaa (Alaihis Salaam Dusre Aasman Par. 3. Hazrat Khizr (Alaihis Salaam Dariyai Musafiro Ki Hifazat Aur Madad Ke Liye. 4. Hazrat Iliyaas (Alaihis Salaam Khushki Aur Fizayi Maqhlook Ki Madad Ke Liye. . * Bahut Se Log Gumraah Honge Aur Bahut Se Hidayat Pe Aa Jayenge, Quran Paak Mein ALLAH Paak Farma Raha Hai, Main Bahut So Ko Gumraah Kar Dunga Aur Bahut So Ko Hidayat Pe Laa Dunga. (Paara-1,Ruku-3) . * Quran Paak Mein Rab Tabarak Wa Taala Ne Farmaya, Ye Jo Zikr (Quran Paak) Tumhare Upar Utra Hai, Is Se Bahut Se Log Kufr Mein Aur Shararat Mein Zyada Badh Jaayenge. (Paara-6, Ruku-13)
Posted on: Sun, 10 Nov 2013 18:32:59 +0000
Trending Topics
Recently Viewed Topics
© 2015