Manana Lucia Hlabangwani i wansati loyi a nga na nyiko ya ku yimbelela tinsimu ta Gospel tani hi leswi a nga kulela ekerekeni vutomi bya yena, ku suka hi lembe ra 1986 loko a ponisiwile. I munhu loyi a rhandzaka Xikwembu a tlhela a va munhu loyi a hanyekaka swinene. I munhu A hi tweni hi xitalo hi ta Manana Lucia Hlabangwani. Lucia u huma etikweni ra ka Mavambe eJimmy Jones eka Malamulele. U sungurile tidyondzo ta yena a phurayimari ya Tivanani, a yisa tidyondzo ta yena emahlweni eka xikolo lexi tivekaka hi Sekondari ya ka Shirilele laha a nga pasa kona ntanga khume (giradi 12) Tani hi n’wana loyi a rhandza kereke, u amukerile Hosi Yesu Kreste embilwini ya yena hi lembe ra 1986 hi ti 27 Ndzhati eka tende ra Bishop Shikwambana leri a ri vitaniwa Gospel Preachers Team. Ku sukela loko a ponisiwile Lucia u tirherile Xikwembu eka tikereke to hambana swinene yo sungula a ku ri Apostolic Faith Mission, God’s Fire Christian Centre ehansi ka vurhangeri bya Dr K.W Maswanganyi, Worship Tabernacle Christian Centre eka Mavambe leyi rhangeriwaka hi Pastor B R Malomane na First Born Christian Centre leyi rhangeriwaka hi DR H J Maluleke na Mama R C Maluleke. Ndzi humesile alibamu ya mina yo sungula hi 1997 leyi thyiweke Yesu Wanuna wa Vuntlhari, ya vumbiri hi lembe ra 1999 leyi a yi thyiwe Vutomi Bya Sokisi Vazalwana, laha alibumu leyi yi vulavulaka hi xifaniso xa mufarisi na muluvisi ku suka ebibeleni. Mufarisi u khongele xikhongelo xo tikukumuxa, a ti vona a ri lowo antswa ku tlula muluvisi. Hungu ra mina i ku titsongahateni emahlweni ka Xikwembu xi ta hi tlakusa hi nkarhi lowu faneleke, loko u tikurisa u ta tsongahatiwa, loko u titsongahata, Yehovha u ta ku tlakusa. Alibamu ya vunharhu yi tile hi 2001 laha a yi thyiwe Aswivetano. Hi 2006 ndzi humesile alibamu ya vumune ku nga A hi Tsakeni Ehosini. Hi lembe ra 2010 ndzi humesile alibamu ya vuntlhanu ku nga Getsemane. Eka lembe leri ra 2013 ku na alibamu leyintshwa ya Project 6 leyi vitaniwaka Swi Lunghile. Leswi nga ndzi endla ku ri ndzi thya alibamu ya mina Project 6 ku i Swi Lunghile i marito yo khensa Xikwembu endhaku ka mitlhotlho leyi nga ta evuton’wini bya mina hi ku landzelelana. Loko valala va mina va ri eka ku tlangela ku wa ka mina, ndza ha kota ku yima ndzi vula emahlweni ka Xikwembu ndzi ku Swi Lunghile. Swi Lunghile i alibamu ya matimba swinene leyi nga rhekhodiwa eka Dokodela Shinyori, Engineered by Dokodela Shinyori, Produced by Mike Baloyi, Executive Producer Dokodela H J Maluleke H J. yi rhekhodiwa e T Shahumba Recording Studio. Mitlhotlho leyi ndzi hlanganaka na yona i ku vanhu va ka hina a va swi koti ku seketela vayimbeleri va la kaya, loko va hi rhamba va lava leswaku hi ta yimbelela mahala, loko va rhamba vayimbeleri vo ta va huma hi le Gauteng va va nyika ma R30000, wena wa la kaya va ku khensa hi puleti ya vuswa Lexi ndzi nga xi vulaka eka vaseketeri va mina na n’wina hinkwenu i ku a ku na LUCIA HLABANGWANI handle ka n’wina. Yanani emahlweni mi ndzi seketela hi ku xava ti original CDs ta LUCIA HLABANGWANI CD ya kumeka eka ti record bars, na le ka Tirhani Medical Centre laha ndzi tirhaka kona. CD ya kumeka. Mi nga tihlanganisa na mina eka 076 117 4369
Posted on: Thu, 15 Aug 2013 07:09:35 +0000
Trending Topics
Recently Viewed Topics
© 2015