Manchito Ponson a bay laga nos Awe nos a recibi e triste noticia cu e conocido ciudadano, Manchito Ponson a fayece. Manchito, a bira masha conoci, pa su envolvimento den Carnaval di Aruba, specialmente formando parti di grupo di Aruba Tivoli Club, hunto cu su señora, Nena, cu kende e tabata inseparable. Nan a sa di pone carosa, pero si body-piecenan masha bunita riba caminda den temporada di Carnaval, sigur tempo cu ATC tabata participa den dia, pero despues den e Carnaval di Luz di ATC, cu nunca mas nos sa mira awendia. Manchito, siendo un controlador di casino, a sa di haci su negoshi, unda e tabata importa bachi, caminsa di clase, y den un van ta pasa rond bende esakinan cu su clientela. Tempo ta bay pasando, Manchito y Nena a dicidi di habri nan negoshi Manchitos na Fergusonstraat, awe Avenida Milio Croes 62, unda nan a sigui importa paña pa hende homber. Pero den temporada di ricibimento, a percura tanto pe mucha homber como e mucha muhernan. Y tabata e team bao direccion di Nena tabata percura pa tur nan cliente luci manera nan ta desea di mira nan. Manchito, tabata algun dia malo, y awor Dios a dicidi di tume den su Reino. Awe nos kier manda nos mas sincero condolencia na Nena, pero demas famia, cu a sa di stima Manchito. Cu Manchito sosega na paz!!!
Posted on: Sun, 27 Oct 2013 23:20:50 +0000
Recently Viewed Topics
© 2015