Matutina 3 di desèmber 2013: Un bos den desierto Pasobra esaki ta esun ku profeta Isaias a papia di djé, bisando: E bos di un ku ta sklama den desierto: Prepará e kaminda di SEÑOR, hasi Su berehanan stret! Mateo 3:3 E predikashon di Huan Boutista a krea un entusiasmo intenso. Na komienso di su ministerio tabatin hopi tiki interes den loke ta religioso. Superstishon, tradishon i e fábulanan a konfundí e mente di e pueblo i nan no tabata komprondé e kaminda korekto. E pueblo a lubidá di Dios den nan zelo pa risibí tesoro i honor di mundu…. E siañansa di Huan a lanta den e kurasonnan di hopi un gran deseo di tin un parti den e bendishonnan ku Kristu mester a trese i nan a risibí e bèrdat. Esakinan a mira e nesesdiat di un reforma. No solamente nan mester a drenta pa e porta smal; Pero tambe nan mester a lucha i agonisá pa tin bendishonnan di e evangelio. Solamente ku un deseo fervoroso, un boluntat determiná, un firmesa di propósito, nan por a resistí e skuridatnan moral ku tabata kubri e tera manera un tela di entiero. Pa risibí e bendishonnan ku nan tabatin e previlegio di risibí, nan mester a esforsá fervientemente i ninga nan mes. E obra di Huan Boutista ta representá e obra pa e tempu aki. Su obra, i esnan ku ta sali di spiritu i poder di Elias ku ta spierta e hende di su abandono, den hopi aspekto ta meskos. Kristu mester bini pa di dos biaha pa husga e mundu den hustisia. E mensaheronan di Dios ku ta tin e último mensahe di atvertensia na e mundu, mester prepará e kaminda pa e di dos benida di Kristu, meskos ku Huan a prepará e kaminda pa Su promé benida. Si e renio di shelu a sufri violensia den e dianan di Huan, tambe lo e sufri violensia awe; Awe e benishonnan di evangelio mester keda hañá di e mesun manera. Si e formanan i seremonianan no a sirbi den e tempu ei, un forma di piedat sin poder lo no solushoná nada awe. Tin dos potensha den e wega. Pa un banda, satanás ta bora ku tur su forsa pa kontrarestá e influensia di e obra di Dios, pa otro banda, Dios ta aktua pa medio di Su sirbidornan pa yama pekadornan na arepentimentu. Ken lo prevalesé? Satanas, sabiendo ku a kedele poko tempu, a baha ku gran poder i obra ku tur engaño di inhustisia riba esnan ku ta peresé. E ta usa tur agente disponibel pa prevení ku e almanan ta bini na e lus. E viktoria ku nos ta gana riba e ami i e piká ta keda optené a kosto di e enemigu, i e lo no laga nos disfrutá di e bendishonnan di Dios sin ehersé esfuersonan determiná pa resistí nos. – Youth Instructor, 17 di mei 1900 Amèn
Posted on: Tue, 03 Dec 2013 16:29:57 +0000
Trending Topics
Recently Viewed Topics
© 2015