Mayor Miguel, nagapangatubang sang indirect contempt KORONADAL CITY- NAGAPANGATUBANG sang kaso nga indirect contempt sa Civil Service Commission si Koronadal City Mayor Peter Miguel sa wala pagpabalik kay Dr. Ma Hazel Mejala bilang City Health Officer sang siyudad. Ang kaso nag-ugat sa Memoranda sang Mayo 15, 2003 nga ginpaguwa ni anay Mayor Fernando Miguel nga naga-reassign kay Dr. Mejala sa barangay Topland District Health Center bilang District Health Officer nga naglawig tubtob nga natapos ang termino sang anay alkalde. Apang sang Hulyo 13, 2010, nagpapanaog naman sang Memorandum si Koronadal City Mayor Peter Miguel nga naga-reassign naman kay Dr. Mejala sa District 8, Barangay Saravia. Kaangot sini, nag-apela si Mejala sa Civil Service Commission kun diin sang Marso 15, 2011, gin-grant sang komisyon ang apela sang opisyal kag ginmanduan si Mayor Peter Miguel sa pagpabalik kay Mejala sa iya position bilang City Health Officer sang Koronadal. Kaangot sa indirect contempt nga ginapangatubang ni Mayor Miguel, ginhatagam man ini sang 10 ka adlaw sang Civil Service Commission sa paghatag sang iya sabat angot sa nasambit nga kaso. (Luz Cartagena-Balancio)
Posted on: Mon, 05 Aug 2013 00:27:23 +0000
Trending Topics
Recently Viewed Topics
© 2015