Megan pararangalan ng Senado (Dindo Matining) Pararangalan ng Senado si Megan Lynne Young, ang kauna-unahang Pinay na nanalo sa prestihiyosong Miss World 2013 na ginanap sa Indonesia. Sa Senate Resolution 274 na inihain ni Senadora Grace Poe, nais nitong kilalanin ang achievement na nagawa ni Young para sa bansa matapos mapanalunan ang naturang patimpalak. “This the first time the country has won the coveted title, exemplifying a shing symbol of peace and inspiring a generation of young women,” ani Poe sa kanyang resolusyon. Nitong nagdaang Sabado ng gabi, kinoronahan ang 23-anyos na host-actress-model bilang Miss World 2013 at kauna-unahang Pinay na nanalo sa naturang beauty pageant. Tinalo ni Young ang 126 beauty queens na sumali sa nasabing patimpalak. Bago makuha ang korona bilang Miss World, nanguna rin si Young sa Top Model challenge event, pang-apat sa multimedia category at panlima sa 11 finalists sa beach fashion pre-pageant. “Megan Young is a true symbol of peace in these trying times, bringing glory to a nation that needs understanding,” ayon pa kay Poe.
Posted on: Wed, 02 Oct 2013 00:49:22 +0000
Trending Topics
Recently Viewed Topics
© 2015