Mi no ta un politico per un ciudadano simple cu ta observa y asina forma un opinion. Mi no ta vota AVp ni MEP. Ainda mi tin duda pa kende mi vota, pero Tabata 2 anja pasa cu Mike Eman a lansa un idea cu ta “out of this world” pa pone un tubo entre Barcadera y Paraguana pa asina por cumpra gas for di Venezuela, hasta a ser bisa cu si Venezuela no por a supply WEB cu gas, lo a sigi cu e tubo via teritorio venezolano riba tera bai te Colombia pa asina cumpra gas, y asina WEB por baha e costo di coriente y awa. Par di luna despues bou presion, diripiente Valero y un compania Hulandes a aperece den e wega y Mike Eman a cambia e idea/plan pa laga e tubo jega den Valero. E compania Hulandes lo a cumpra e Gas, Valero lo a stock e gas den e tankinan di Valero, pa despues WEB cumpra e gas. Dus ganashi pa e compania Hulandes y ganashi pa Valero. Mi ta wonder kendenan a kore cumpra aandelen den e compania Hulandes. Ora e idea aki a bin den publicidad tur media na Aruba, e “Doctornan” den prensa, sindicatonan, KVK ATIA AHATA tur a hanja e idea aki uno di un visionario y“out of this world”. Awe un yui di tera humilde for di San Nicolas cu un aparencia diferente cu esun di Mike Eman , cu tin conocemento di e materia a presenta un alternativa ( = idea diferente) pa envez di saca e tubo di Mike Eman for di den Velaro pase riba teritorio Venezolano, pa saca e mesun tubo di Mike Eman for di WEB mes pero mande direct pa Colombia. Envez di pomp Gas den e tubo di Mike Eman, e idea di e yui di tera di San Nicolas ta pa hinca un cable di coriente den e tubo di Mike Eman y pega esaki riba e plantanan di coriente na Colombia. Mescos cu nan a pega e cable di coriente for di Hulanda riba plantanan di coriente na Noorwegen 10 anja pasa. Yegando Colombia e cable lo ser pasa bou di tera ya cu e cable ta mas diki cu esun cu Mike Eman conoce normalmente y e ta di un voltahe hopi halto y peligroso si e wordu pasa riba tera. Asina WEB mes por bai na cumpra coriente direct sin tin mester bai via un compania Hulandes di Gas y Valero. Ya cu tin un contrato cu e compania Hulandes di Vader Piet, WEB lo sigi cumpra coriente di reserve for di Vader Piet pero na un prijs mucho mas halto cu Colombia y nos sigi cu solar panels ora nan prijs baha riba Mercado mundial. Suddenly tur media na Aruba, e “Doctornan” manera Toko y ET, Johnny Habibe, Mike Eman y tur candidatonan riba lista di AVP a bira loco y expresa cu e idea di e yui di tera humilde di San Nicolas ta un idea di hende loko, pero cu e tubo di Mike Eman den cual nan lo pomp gas ta e idea mas perfecto aunke e ta e solucion mas caro di manera cu lo no por baha e prijs di awa y coriente pasobra esnan cu tin aandelen caba den e compania Hulandes mester hanja mas ganashi (dividend) personal. Saca bo propio opinion awor riba e 2 diferente ideanan aki. No laga Prensa bisabo kiko bo opinion mester ta. Bo mes tin suficiente edukashon pa forma bo propio opinion. Ta tristo cu na Aruba tin hendenan educa no por ta habri pa ideanan di otro hende. Envez di nos bira un pueblo cu nivel pa otronan respeta nos, nos ta bayendo den un abismo di moral y respet.
Posted on: Fri, 30 Aug 2013 20:02:35 +0000
Trending Topics
Recently Viewed Topics
© 2015