Mihring nunphungah, kan nitin nunah hian Pathian hi a inrawlh lem lo tih hi kan hriatthiam a tha ngawt mai. Pathian in tumah a thlem ngai si lova (Jakoba 1:13). A duhin an eiru a, a duhin tual an that a, ruk an ru a, setana ram a nih miau avangin sual ti tam apiang hi an khawsa nuam sa ni mai awm te pawh a ni. Tin, he leilungah hian Pathianin rim taka thawka chaw hmu turin min ti a, milem bia pawh chu chuan a huam vek mai, milem bia emaw Pathian nung bia pawh ni sela; thawkrimte hlawhtlinna, rukru te hausakna hmun, sual ngamna hmun a ni. Kan thih leh dam thu hlaah pawh Pathian hi a inrawlh hran lo,a bik te ah lo chuan. Misualin mi a that a, Pathian remruat a ni kher lovang. Mihring nunphungin a hrin chhuah zawk a ni. Thihna leh dam thu-hlaah hian Pathian hian mawh a la vek lova (lak chen chu a nei ngei ang), mihringten kan sual chhuak zawk fo thin a ni..a tam zawk mah hi mihringte avanga awm a ni. Misual kutah rawng taka naupang chumchiap thih tir hi Pathian remruat a ni ngai lovang, sualna hrinchhuah zawk a ni. Hmeichhe pawngsual hrep hnu-a rapthlak taka thah hi Pathian remruat a ni hek lovang, mihring nunphung hrinchhuah zawk a ni. Pathian hian a thu zawm turin min thlem ngai hran lova, kan duhthlannaa pan tur zawk kan ni ang. Chu duhthlanna chuana chhia leh a tha mihring khawsakna-ah a rawn thlen mai thin zawk a ni... Chumi ina a hrin chhuah tak chu.....MITIN AN THILTIH ANG ZELA PEK TURIN KA LAWMMAN KA HNENAH A AWM (Thupuan 22:12) Ni hman nuam ule..
Posted on: Tue, 13 Jan 2015 03:47:58 +0000
Trending Topics
Recently Viewed Topics
© 2015