Ministri i Shëndetësisë, Ferid Agani, duke folur në tryezën "Kosovarët ende vdesin nga rriqrat”, të organizuar Instituti Demokratik i Kosovës, tha se Qeveria e Kosovës po bënë të pamundurën për të parandaluar infeksionet me ethe hemorragjike. Meqenëse Ministria e Shëndetësisë nuk është hallka e parë e parandalimit të etheve hemorragjike, ngase kjo i takon Ministrisë së Ambientit dhe Planifikimit hapësinor, jemi duke bërë të pamundurën që të dalim nga kjo situatë, tha ministri Ferid Agani. Ai bëri me dije se virusi ‘krime kongo’ është rezistent ndaj dezinsektimit, por theksoi se janë duke bashkëpunuar me ekspertë ndërkombëtar rreth studimit të këtij virusi. Ndërsa drejtori i Institutit Kombëtar, Naser Ramadani tha se INKSH vazhdimisht është duke e përcjellë situatën epidemiologjike në terren. Bajram Imeri nga Këshilli ndërministror për luftimin dhe parandalimin e Etheve ‘krime kongo’0 tha se Ministria e Bujqësisë do të fillojë nga java e ardhshme spërkatjen në zonat e rrezikuara dhe do të konsultohen edhe me ekspertë ndërkombëtarë.
Posted on: Fri, 02 Aug 2013 20:03:42 +0000