Mio Wireless Point Series jegando su parti final pa 2013 y ainda e prome lugarnan por conoce lidernan nobo. Inbox Drag Race na Aruba keto bai ta un di e poco deportenan cu prome cu a aña termina ta presenta un calendario complete pa e siguiente aña y ta mantene nan mes tambe na e calendario aki. Pa di dos aña consecutive e companai mas inovativo den mundo di wireless communication aki na Aruba ta sostene tambe e Mio Wireless Point Series di Palo Marga y nos ta actualmente den e luna di November unda awor tur cos ta bai bira mas hot paso e point series den tur e categorianan tanto esnan di autonan y brommernan di careda como tambe esnan di auto y brommernan den street legal ta jegando na e parti final. Mayoria coredor mes ta mantene nan puntuacion y esnan cu kier verifica si nan puntuacion ta cuadra por wak esaki riba arubaraceway. Por cuminsa na menciona cu den e categorianan manera Box, No Box, Sportsman Bike pero tambe den e categorianan di Street Legal ainda e cos ta basta preta entre e promer lugar y esunan cu ta sigui y e ultimo dos eventonan di drag esta Diasabra awor dia 9 di November durante e 1 Day Bracket November Edition como tambe durante e Palo Marga Finals di dianan 29 y 30 di November tur cos por cambia y nos por hanja lidernan nobo.
Posted on: Tue, 05 Nov 2013 02:39:18 +0000
Trending Topics
© 2015