Miss Van Sui Par @ Tin Sandar Myo kong he Pehtlai in Chinmi/ Laimi nih ===================================================== Theih awk(By Lovely Nancy Hlawnceu) ============================= Van Sui Par hi a pa kawl si, a nu laimi si ( Hakha le Falam). Amah hi LBC ( Nay Pyi Daw) le LBC ( Yangon) ah member tling a si. Muidawh lawng silo in hlasak zong a thiam, LBC zong ah solo a sa tawn, cun Mino pumh zong ah hla a hruai tawn. A si khawh chung in mino cawlcanghnak le biaknak ah a pum ai pemi si. The Model Academy lio i bia an hal zong ah hmailei ka nunnak cu Pathian kut chung ah umko, Pathian nih a ka tinh piakmi hi zei a si ka thei rih lo cah modeling he petlai in ka kar hlannak kong cu ka thiam kho rih lo tiah TV show ah a chim. Amah a dawtu mipi pawl, a hawile pawl, a saya te pawl zong ah Chinnu, khrihfanu an ti. Amah zong hi cuti an ti cu ai lungsi tuk. Lai thisen a ngei kho tuk. Chin a sinak a zahpi bak lo. Miss World Myanmar zuamnak ah hin khrihfa pathuam an um, no.19 Anna, no.9 Chan Myae Thu le no.16 Tin Sandar Myo hna an si. A hawile pahnih cu pura hmaiah an kun ko nain a nih cu a kunlo, a bialo nain thla an cam lio ah kutsih in a thu ve. Producer pawl zong nih biaklo khawh si an ti nain cawlcanghnak kip ah cun khoika hmun a si paoh ah kal dih ding an ti hna. Pura hmai ah a kunlo nak cu TV show zong ah a lang ko mah ka biaklo ruang ah ka pawngkam ummi mipi pawl an khuaruah a har dih, a hnubik tlar ah ka thu i ka lu tu ka tun zir ko tiah keimah sin ah a chim. Nain, lukawng pa tu kha ti ka toih, a ruang ah keimah pumpak zumh ning le pom ning hrim ah a sual in ka hmu lo, kawl biaknak ka bia ti zong ah kai ruat lo tiah keimah sin ah a chim chap. Sicun, zeiruang ah dah vote nan pek????? 1. Lainu a si ruang ah maw? 2. a pumpak nan uar ruang ah maw? 3. Khrihfa a si ruang ah maw? 4. a chungkhar le a hawi na si ruang ah maw? Mi pakhat biaknak le zumhnak kong ah bia tamtuk kan chim ding a si lem lo, mifim kan si ah cun. Laimi na si ruang ah khrihfa na si hrim lai ti a ngah lo. Kawl miphun zong khrihfa a si mi an tampi ve ko. Mah pumpak bia khiahnak ah nawl kan va ngeih ding hna a silo. Khirhfa ai ti tung mi ah cun khrihfa nun ziaza in a nung lomi kan tam tuk. Bible chung ah a um, Pathian nak in thildang biapi ah chiah cu biak he ai khat a ti. Nihin ah hin, laimi khrihfa vialte hi Pathain nak in Dollar dawh kan duh deuh le biapi an kan ruah dueh hi, hi zong hi pathian hlawt he ai khat bak ko. Miphun tenau kan si nak le lungput thalo, lungput pical kan ngeih lo nak cu cikhat ah a lang colh ko. Hi vialte, miphun dang le biaknak dang hna sin ah hi dirhmun a phak khawhmi hi kan lawmhpi ding a si. Mah kha kan rian cu siko. Va soisel len le cu ee kha ee va ti len ding ah kan mah kha the pathian he zeitluk dah kan i pehtleih ti kha ruat ve hna usih. Van Sui Par ka ttanh le ka dirpi ruang ah a silo, amah pumpak kong he pehtlai in nan fian khawhnak hnga ka tialmi si. Par Par kong he pehtlai in bia hal khawh ka si.
Posted on: Tue, 09 Sep 2014 04:48:08 +0000
Trending Topics
Recently Viewed Topics
© 2015