Mizo lal ropui Nikuala chungchangah inhnialna chanchin a awm thin avangin chhiartuten thudik tak kan hriat theihnan Historian ten an nguntaka history an chhui atanga an hmuhchhuah leh an chhuichhuah atangin a khaw kai dan leh Chawngtlai tih ka han post e.... NIKUALA KHAW KAI KUAL DAN LEH CHAWNGTLAI KHUA Khawvel hnam hrang hrang hian Chanchin ngaihnawm leh hlimawm tak te,lungchhiat thlak tak te kan nei chawk a,a chhiar a ngaithlatu tan chuan a nat a, a pawi zia te kan hre thiam vek kher lovang. Kan lo khawsak dan, kan Civilization te ,hmasawn leh hnung tawlh dan te sawi tur kan nei theuh a, ziak leh chhiar kan thiam hma chuan tawngkamin chanchin an lo in hlan chhawng thin. An thiltih ropui leh hmingthatna te chu ziak a dah thiamlo nafam chu lungphun ah a lem te in an lo lan tir thin. Chawngtlai chungchang ah pawh pipu te sulhnu leh thilthleng te ropuiin chhuanawm hle mah se, ziak a chhinchhiah thiam lo ta chuan lungphun leh sulhnu hmangin an thil tih te an lan tir a, Nikuala leh a pasaltha te sulhnu chawngtlai ami te pawh nekchep leh sawi chingpen khaw thenawm atangin a hlawh mek zel a ni. Chawngtlai hmun hlui leh Nikuala sulhnu te chu tun hnai a phuahchawp leh siamchawp anga sawi a inchirh thehna a nasa hle bawk. Mahse,thudik chu Thudik a ni reng ang a, beih leh sawi hnawm tawk thin mah se,Chawngtlai khua leh ram chhung a SAHLAM,(Nikuala man tur a lokal ) VAI RIAHNA HMUN te,Pasaltha Neihthawma leh Hranghleia ten Nikuala vai sipai laka an thuhrukna puk(NIKUALA PÚK) te.Kapvunga leh Hrangbawia pawichhe ralin an zing buhphur tur an lo thahna MI THAH KAWN te, NIKUALA IN HMUN te, a pasaltha ten Pawi ral an channa SI BIH te,Nikuala khaw pasaltha HRANGHLEIA IN HMUN leh A fanu la dam Pi HMINGLIANI te etc. hian ngawirengin thudik chu an vawng a, au chhuak lo mahse, history dik chu an nem nghet a, an vawng reng a,an hming atang mai pawhin awmzia leh sak chhan an neiin thangthar te hnenah thu an la sawi zel dawn ani. Awle, Chawngtlai khua chuan a lal leh a lo hmingthatna te chhuhsak tumin beihvak a tawk thin a,a tawk mek a,an pawng lak tep a,(mahse thudik chu a tlo zawk fo thin) Nikuala tupa Zahuatan felfai taka Diary alo ziah thlip thlepna 1934 ami te,Pu Chalhranga,miril leh thil chhinchhiah thei tak te,Pu Kaphranga,Zahuata fapa,chawngtlai lal hnuhnung ber te,Neihthawma tupa Lalchawimawia Tualte khuain Chawngtlai lehkha a thawn atang tein thudik chu nemnheh a ni zel a ni. Heti hian Chawngtlai lal Nikuala khaw kai kual dan leh in a neih zat chu Tualte khua Pu LalChawimawia lehkhathawn atang leh Pu Zahuata Diary 1934, Chawngtlai lal, Pu Kaphranga kawmna(ni 11 January 1994)atang te,chawngtlai pa tar ho hnen atang leh History bu hrang hrang bakah Sap ho lehkhabu atangin kan hmu. Kum 1871 ah Vanhnuailiana Champhai tlanga a thih hnu in Nikuala chuan;- KHUANGLENG ZOPUI akai a,(1872 -1873 vel)- chuta tang in LEITHUM (1873-1874 vel,in 70 anei).chuta tangin, VANZAU (1875-1877 vel,in 70 anei) chuta tangin PHUIHNAM/TLAIKUANG (1878- 1880 vel,in 400 anei ta) chuta tangin BUNGZUNG (1881- 1883 vel,in 500 anei )chuta tangin BUANG (1884 - 1886 vel.Thlahmunga Zawngtetuiah in 150 in a idantir hnuin In 350 ala nei.) chuta tangin CHAWNGTLAI(1887-1892 In 500 anei leh) 1892 hian Nikuala chu Chawngtlaiah man ani a, chumi hnuin Hmawngmual ah Lalnu Lalngurvungi Tlau hovin an kai a,in 400 an la ni fo a,chuta tangin, ARTLANG MUALKHANG( Lalngurvungi Tlau hovin in 400) chuta tangin, KELKANG (Lalngurvungi lalnu hovin in 350 Kelkangah an kai chho a Hetah hian Liannawla a lal tan a,a U Dokhaman in 60 nen khawthar kaiin ARTLANG BAWKTLANG akai thla/let leh a,chuta tangin TUALTE BUNGHMUN (In 160 anei) Tualte Bunghmun atang hian Dokhama chu CHAWNGTLAI HMUN,MANGANGA HMUN antih bawkah 1905 ah in 170 nen akai a,1911 September thlaah Chanchintha alo thleng a, 1913 alo nih chuan Dokhama chuan a fapa upa ber Zahuata chu Bualfiang tlang (Chawngtlai ram) ah a indan tir a, amah Dokhama pawh chu Tualte ram Artlang ah a phei ve leh ta a, Hemi atang chiah hian Khawkhat ni thin kha CHAWNGTLAI lehTUALTE ah kan lo hrang ta ani.Dokhama kai kual dan han chhui zui hlek ila, ARTLANG BAWKTLANG (1913.in 140)chuta tangin TUALTE KHAWZAU (Field veng) chuta tangin TUALTE KHAWAWIH/MANGLALAL HMUN (1929,Hemi hmunah hian Dokhama a thi) chumi hnuin, TUALTE HMUN (Lianhlira a lal ) chuta tangin TUALTE BAWKTLANG (Lianhlira.) Khai le,Zahuata,CHAWNGTLAI LAM VE THUNG:- CHAWNGTLAI BUALFIANG (1913 ah in 30.hemi kum vek hian Sakei nghal vangin Keifang tlang/Keifang hmun ah an kai.Bualfiang ah hian Vawm-umi pa kaiten a a daikal chu Sakeiin a mawngtam a keih sak) chuta tangin CHAWNGTLAI KEIFANG HMUN/KEIFANG TLANG (1913 -1917,In 30) chuta tangin CHAWNGTLAI-NIKUALA HMUN (1918 -1923,In 67) chuta tangin CHAWNGTLAI-KEIFANG TLANG/KEIFANG HMUN (1924 -1932,Hemi hmuna an awm lai hian Dokhama chu 1929 September ni 26 ah a thi a,a fapa Zahuatan apa Dokhama lung chu Khawthar kai an tumna Saizawl(chawngtlaì Mualzawl) lam ah October ni 8,1929 ah a va dawh a,tun thleng a LAL LUNGDAWH Chawngtlaia la awm hi a ni) hemi atang hian Chawngtlai khua chu hmun nghetah mei a mit ta lo a ni.
Posted on: Wed, 20 Aug 2014 07:03:24 +0000
Trending Topics
Recently Viewed Topics
© 2015