NOTICIA GRAVE DI ULTIMO ORA E AMISTAD CU E MUNDU E amistad ta un elekshon y e acto di elegí ta un spada cu ta crea división. Mi no por elegí un amigo y na mesun rosea elegí un enemigu. Si mi a elegí pa e santidad, mi mester rechasá e picá of vice-versa. Awor ma kompronde loke Santiago, Hakobo kier a bisa: ora e di, ʺHendenan infiel, Boso no sa cu amistad cu e mundu ta nificá enemistad cu Dios? Esun cu kier bira amigo di mundu ta bira enemigu di Diosʺ (Stg.4:4). E hudiunan a bisa Pilato, ʺsi bo laga Jesus den libertad, si bo lagÉ bai, bo no por ta amigo di Cesarʺ (Juan.19:12). Mi ta konosí, no solamente pa mi amigonan, sino tambe pa mi enemigunan. Pilato y Herodes tabata gran enemigu di otro, te na ora cu ambos a rechasá Jesus. E echo cu nan a rechasá nan enemigu comun, (Jesus), a hibanan na bira bon amigo cu otro (Lukas.23:12). Awor ma kompronde ta dikon pa Dios ta un molester, ora su pueblo bira amigo di e mundu y di e kosnan di mundu. E visionan di e inhustisia, e fiesta di Halloween y Carnaval, Bingo, Bruheria, Sorteo di wega di number, Poder, Fama, Rikesa y Plaser di cual nan no ta agrada Dios. Aseptando esakinan, ta significá cu nos a rechasá Dios. E amistad ta selectivo. Ta mas cu natural cu Dios kende ta desea e calor y e amor di nos kurason ta bira ʺjarloersʺ ora E mira ami cu bo den amor cu otronan cu ta odiÉ. Jesus ta buscando konstantemente amigonan. Dia cu El a yama Judas amigo na ora di su traishon, E tabata revelando un anhelo natural. Pa tur esnan cu awe maske nan ta oponé Dios, e porta di Su amistad ta semper habrí pa nan tambe. Por supuesto, semper bao di e kondishonnan cu Dios ta exigí. Judas tabata un amigo di solamente invitashon. Pero ami cu bo tin di bai muchu mas ayá. Nos tin cu ta un verdadero amigo pa Jesus, real. E kondishon pa ta amigo di Jesus ta significá, kumpli cu Su instrukshonnan y hasi loke E mandanos (Juan.15:14). Y e honor pa ta su amigo ta papia ʺkara-karaʺ den un eminente intimidad kunÉ (Exodo. 33:11). ʺOf boso ta kere cu ta en bano Skritura ta papia: ʺE ta anhelá celosamente na e Spiritu, Kende El a hasi biba den nosʺ? (Santiago. 4:5). Mi ta spera cu e reflekshon aki por ta di edifikashon pa bo bida. Bo amigo Lic. R. M. Dortalina.
Posted on: Mon, 08 Jul 2013 12:18:37 +0000
Trending Topics
Recently Viewed Topics
© 2015