November 14-15 khan First Presbyterian Church in Ann Arbor kohhran upa (elders), deacons, leh pastor thawk mek kan vaiin 80 vel zet Ohio state a Maumee Bay Lodge and Conference hmunah kalin kohhran hruaitute Officers’ Training pek an ni a kan hlawkin kohhran kan hlimtlang hle. Kumin thupuiah Micah 6:8 hmangin ‘Justice, Kindness, and Humility’ tih a ni a hruaitu thlan thar ten an testimony an sawi a Pathian hnathawh a ropuiin kan tahnuih a ni deuh ber mai. Upa thlan thar zingah mission rama lo thawk tawh te, ngawlvei chhanchhuah leh te, hmeichhia leh mipa, piangthar tha em em high school naupang te an tel a kan kim biai a ni ber mai. He kohhran hian 1826 khan community-ah rawngbawl a tan tawh daih a, thil mak ve deuh chu Sap kohhran abikin mainline kohhran ten kiam lam anpan deuh laiin he kohhran mal bik hi kum 50 vel kalta atang khan members 1500 aiin an tlem ngai lo. Presbyterian nilo members hi an lo lut ve reng a, an piang pung ve bawk a kohhran chakna bul bera lang chu mi an welcome thain mission hnaah an active em em a, tunah hian ram 5ah mission field neih mek a ni a, Haiti-ah nursing sikul neiin kumin khan nurse thahnem tawk takin graduation an nei a ni. A tam ber sap nimahse enghnam mah an thliar hrang lo a Sunday tin kohhran inkhawm service hrang hrang vawi 4 ngawt a awm bakah Taiwanese Presbyterian-in inkhawmna an nei ve bawk a, thla sikah homeless leh kut dawh ho biak inah zantin an riak thinin chaw pek an ni bawk a, building hi a awl ngai lo a ni ber mai. Tun tum kan retreat-a upa ten Isua rawng an bawlnaah kohhran chakzawk nana an ngaihpawimawh an sawi ho a chung zinga pawimawh tlem te chu: 1. Kohhran-a lo chuanglut reng reng member la ni lo pawh Isuan a lo dawnsawn ang maia dawngsawngin tumahin mikhual a an inngaih lohnan upa ten lo welcome em em thin 2. Hruaitu pakhat leh pakhat inngaihthlak tawn zel 3. Huaitaka kohkhran faksel ngam a (hmangaihna thinlung nen nise) thurawn inpek tawn 4. Rawngbawltu pastors te sawisel aia theihtawpa tanpui 5. Kum 15-20 vel thlir lawkin kohhran ke pen dan tur ruahman lawkna lo neih a thil dream neih, te a ni. Kar kalta khan USA Midwest region huapa Presbyterian conference pakhat kan thleng a, naktuk hian Belhar Confession (1982, 86) buatsaihtu zinga a khaipa ber Rev. Dr. Allan Boesak-a Soth African Dutch Reformed Church-a thawk thin kan mikhual dawn a nihnih chhung zet speaker a ni ang. Dr. Boesak-a hi Nelson Mandela te Desmond Tutu te nena khawtlang leh kohhran rawngbawl lama lo thawk ho hrep tawh a ni bawk. Hnamtin chitin te hmangaihnaa rawngbawl hoin Lalpaah kan hlimin kan law mtlang a ni ber e.
Posted on: Sun, 16 Nov 2014 03:29:37 +0000
Trending Topics
Recently Viewed Topics
© 2015