Opening Salvo it Kalibo Ati-atihan 2014, Nakataeana Eon Kadungan ku Opening Salvo it Kalibo Ati-atihan 2014 sa ikatlong Buean it Enero, masaksihan it uman it mga Kalibonhon ro Body Painting Contest. Ro Opening Salvo hay pagahimuon sa October 11, 2013 ag magiging kaibahan sa maga-entertain ro mga gma Kapuso Stars. Sa pagpahayag ni Mr. Albert Meñez, kasafi Chairman, nga sa gabi-i it Oktubre 11, may pagahimuon man nga Black and White Party sa may Vacant Lot sa Shell Crossing Banga-New Washington. Ro mga Model sa Body Painting hay maga-perform bago i-anunsyar ro mga nagda-eaug kun sa siin iga-deklarar man ro magiging Best Model. Sa pihak nga bahin, makikipag-atubang man sa Lunes, Agosto 12, si Mr.Albert Meñez, sa Consular Office it Canada pati man ro Ambassador ag Consul General of Canada agud istoryahan ro detalye ku pag-aeabutan it mga 200 hasta it 300 ka mga canadians ag mga Filipino Residents of Canada. Raya hay agud saksihan ro Kalibo Ati-atihan 2014 sa Enero 18 – 20, 2014. Rondayang mga bisita hay pagadaehon ku Staff it Winter Tour of canada ag I Explore Travel Unlimited Company. Sa rondayang kabangdanan, ginpaabot ni Mr. Menez, nga magging maabo ro mga maga-a-eabutan nga mga turista ag deboto sa paea-abuton nga Festival rason nga nagiging masako eon ro mga KASAFI Volunteers.
Posted on: Thu, 08 Aug 2013 22:24:31 +0000
Trending Topics
Recently Viewed Topics
© 2015