PRESS RELEASE! September 17, 2013 Mga Hepe sa nagkadaiyang buhatan ning syudad sakop sa Civil Service Commission, mihimo nan isa ka panagtigom. Malamposong gipahigayon kagahapon na adlaw an isa ka panagtigom sa mga hepe og kawani sa nagkadaiyang departamento sa city hall, bureau og ahensya sa nasyonal na gobyerno, local government units, government- owned og uban pang mga korporasyon og state and universities and colleges na sakop sa Civil Service Commission na kon diin ini an tagpahigayon diha na sa City Cultural Center sugod alas 9:00 sa buntag hangtod na alas 5:00 sa hapon. An amo na panagtigom an taghimo ini para na sa paghatag kaalam og stratehiya ngadto sa mga partisipanti kalabot na sa insaktong pag- establisar og pag- implementar sailang mga gipamunoan na buhatan o Guidelines in the Establishment and Implementation of Agency Strategic Management System (SPMS) na kon diin nahimong mamumulong sa amo na kalihokan amo an taga Civil Service Commission Office mismo. An amo na seminar an tagkalipay dako isab sa ato na amahan sa syudad Mayor Ernesto Matugas na kon diin ini an mkahatag gajod nan dako na tabang sa mga namuno sa isa ka buhatan kon unsaon an insaktong pamaagi sa pagpalambo dili lamang sailang buhatan lakip isab sa mga membro o empleyado niini lakip isab an nakahatag isab nan dugang kaalam saija isip sija an nanguyo sa ato na syudad.
Posted on: Tue, 17 Sep 2013 10:44:00 +0000