Panawagan kanatong tanan, kinsa tong gusto mo tabang sa atong mga ka-igsounan nga biktima sa bagyong Yolanda. Naa karon sa Mactan Air Base ang ubay-ubay nga mga survivors nga gi-airlift gikan sa Tacloban, Leyte. Ang ubang mga survivors naa gibutang sa Mactan Airbase hospital, ang uban naa tawon sa basketball gym tungod sa ilang kadaghan. Ang problema karon kay kulang sa pagkaon, tubig, tambal, sanina, banig ug habol. Kada adlaw ang C130 aircraft nag airlift og mga pasyente ug evacuees (from Tacloban to Mactan Airbase). Kinsa tong gusto mohatag sa ilang mga tabang puede ra i-diretso lang sa Mactan Airbase basketball gym diin anaa didto ang AIRMENS, ladies officers & members, PAF personnel, DSWD Region 7 ug mga volunteers. Kung apiki pud mo sa oras o gamit, you can call me or text me (0932 731 46 63, 0920 500 5 200 and (032) 514 88 58} aron mapahiluna nato nga pick apon ang inyong hinabang aron kami na lang pud ang mohatud ngadto sa Mactan Air Base. Daghan kaayong salamat, ug ang Ginoo ang magabalos kaninyo sa inyong kaayo.
Posted on: Wed, 13 Nov 2013 10:37:34 +0000
Trending Topics
Recently Viewed Topics
© 2015