Parak Hari Raya Haji, Juhan bausaha mambalantik sapi gasan urang bakurban. Hari itu inya bauntung taulihi 2 ikung sapi laki,malaran haraganya,mun dijual lagi malaran pulang hujungnya. Supaya kada pati banyak kaluar ungkus,Juhan singhaja mambawa sapinya bajalan batis haja,kada talalu jauh jua pang wan wadahnya bajualan. Sampai ditimbukan ganal, kanapa maka kadua ikung sapinya muguk pas ditatangah timbukan, kada hakun lagi ditarik,malahan bajalukup mahalangi jalan. Bilang sadangai sudah Juhan bausaha manjuhut talinya,mahambat buritnya sakira sapinya hakun badiri wan bajalan pulang. Sajam ada sudah lalu lalang macit,mutur2 kada kawa lalu, tamasuk mutur ambulan nang rahatan mambawa urang garing tuju ka Banjar.. Sustarnya turun pada mutur,urangnya bungas pang, mamaraki Juhan. "Cuba pang ulun mambisai kaluai inya hakun bajalan" jar sustar. "Ayu ai,tarimakasih lah" jar Juhan. Sustar mamaraki sapi,mamingkuti buntutnya lalu bagasut mangacak bigi palir kadua sapi nangitu. Tang ada sapi2 nangitu bakalincuat langsung bukah kapadang tagah,talinya talapas pada tangan si Juhan. Lalu lalang jadi lancar pulang. Babaya sustar handak babulik kamutur ambulan,Juhan mamaraki sambil baucap :"Tulungi pang sakali lagi". "Napa ya?" jar Sustar. "Kacakakan jua nah ndihku,supaya aku kawa bukah laju manyasahi sapiku" jar Juhan.
Posted on: Fri, 04 Oct 2013 17:03:01 +0000
Trending Topics
Recently Viewed Topics
© 2015