Part 3 ثم أتبع سببا Mawli kanunto na mimbalingan c DhulQarnain sa sebangan ka endu ngin kanggalbek su mga ukita a inipamando nu Allahu swt salkanin [kahf 89] حتى إذا بلغ مطلع الشمس وجدها تطلع على قوم لم نجعل لهم من دونها سترا taman sa nakauma sekanin kanu lugar a pedtampalan a pedsebangano senang nandu natunin [nailay] i mga taw luba a da mga walay a pegkalbenan nandu mga kayo a pedsapeng [pedsilong] kanilan ku senang [kahf 90] كذلك وقد أحطنا بما لديه خبرا maitu bumba! nandu katawan Nami su nganin-nganin salkanin a mga mapia nandu mga masla [mapia] a ukit, sa apia endaw sekanin mangay nandu apia endaw sekanin mangay [lemalakaw] [kahf 91] ثم أتبع سببا Uliyan nunto na linemalakaw menem edsaluman c DhulQarnain sa yanin pagunutan na su mga ukit nandu mga sabapan a inenggay Nami salkanin [kahf 92] حتى إذا بلغ بين السدين وجد من دونهما قوما لا يكادون يفقهون قولا taman sa nakauma sekanin kanu pageltano duwa a palaw a napelen nuntu su umani isa [dulunan] sabap kanu kasla nandu kalambegin, nandu naton nin luba i mga taw a halos di nilan katuntayan i mga basa atawka kadtalo nu kaped [kahf 93] قالوا يا ذا القرنين إن يأجوج ومأجوج مفسدون في الأرض فهل نجعل لك خرجا على أن تجعل بيننا وبينهم سدا Pidtalo nilan hi DhulQarnain : sabenal benal na su yajuj nandu Majuj - duwa a qawm [sambayanan] a ebpon kanu tupo nu Adam a paminasa silan kanu liyaw nu lupa sa kapegkalat nilan kanu mga pinamula nandu tupo [lahi], mapakay a bayaran nami seka ka lemimod kami sa tamok, ka endu makaumbal sa mabaloy a pagelet nami nandu silan? [kahf 94] قال ما مكني فيه ربي خير فأعينوني بقوة أجعل بينكم وبينهم ردما Ya pidtalo ni DhulQarnain: su nganin a inenggay nu Allah swt sa laki a kapendatu nandu kapegkagaga siya sa dunya na minuna pan kanu kakawasano a aden kanu lon, amika tabangan ako nu kanu mga bagelo na mumbal ako sa pelen kanu pageleto nandu silan [kahf 95] آتوني زبر الحديد حتى إذا ساوى بين الصدفين قال انفخوا حتى إذا جعله نارا قال آتوني أفرغ عليه قطرا enggi ako nu sa mga putaw, taman sa inenggitilan den man su mga putaw, uliyan nunto na pinelen nilan su duwa a pagukitan [bengawan] nu palaw sa kinatago lon sa madakel a putaw, nandu pidtalo nin kanu pamenggalbek lon: Yupo sa apoy guna su mimbaga den su putaw na tigin: Enggi ako nu sa natunag a timega [tanso] ka ibubos ko luba . [kahf 96] فما اسطاعوا أن يظهروه وما استطاعوا له نقبا sabap kanunto na dala den magaga nu mga Yajuj nandu Majuj na kapusogin ku pulo nu pelen, sabap kanu kapulo nin nandu kalindegin nandu da nilan bun magaga i kemalot pan sabap kanu kadalemo kinalebeng lon nandu kategkesin [kahf 97] قال هذا رحمة من ربي فإذا جاء وعد ربي جعله دكاء وكان وعد ربي حقا Tigi DhulQarnain : su kinapatindeg ko sa pelen anya na endu di makapaminasakan su mga yajuj nandu majuj sabap kanu limo a nakabpon kanu Kadnano mga inaden, ugid na amika makauma den su inibpasado Kadnan ko a gay a kagubal nu dunya na geban Nin den ka patagen Nin den su lupa nandu su pasado Kadnan ko a namaloy na benal [kahf 98] وتركنا بعضهم يومئذ يموج في بعض ونفخ في الصور فجمعناهم جمعا Nandu temporari a tinagak Nami su Yajj nandu majuj sa kanu maito ba a katamanan - taman sa amika makauma den su gay a inibpasad Nami - na sugutan Nami den a makaliyo su yajuj nandu majuj a mana silan bagel [alon] ku kalagatan nandu pamedseseka nandu pamedtambaka ku kadakel nilan, nandu yupen den su sangkakala [trumpeta] pra kanu kauyag ebpaluman nandu padtatagapedan Nami den su languna inaden pra kanu kagkukom nandu kapembayad [kahf 99] -------------------- THE END
Posted on: Sun, 20 Oct 2013 17:42:12 +0000
Trending Topics
Recently Viewed Topics
© 2015