Partisipá na Selikor su kampaña “E bon yu di Kòrsou ku ta tene su isla limpi” chèns di gana fabuloso premio durante Sèptèmber, luna di limpiesa. Kiko bo mester hasi pa partisipá?? Masha fásil!! Saka un potrèt di un akshon di bo, ku ta ilustrá kon abo ta tene nos dushi isla limpi i post esaki riba e facebook page di Selikor. Pidi bo friends nan riba facebook pa like bo potrèt i asina bo tin e oportunidat di gana premionan fabuloso. Ganadornan lo wòrdu anunsiá kada siman Usa bo kreatividat di e siguiente manera nan: 1. Un bon yu’i di Kòrsou ta usa tas di kompra duradero na supermarket òf otro establesimentu; 2. Un bon yu’i di Kòrsou ta tene su kònteiner di kas limpi i ta laba esaki regular; 3. Un bon yu’i di Kòrsou ta tene dilanti i rondó di su kurá di kas limpi; 4. Un bon yu’i di Kòrsou ta rekohé shushi visual ora e mira esaki benta riba kaya i ta bai tira esaki den un kònteiner di shushi; 5. Un bon yu’i di Kòrsou ta tene akshonnan di limpiesa den su bario; 6. Un bon yu’i di Kòrsou ta yuda hasi limpiesa na sitionan kaminda ta benta shushi ilegal; 7. Un bon yu’i di Kòrsou ta separá bòter di plèstik, bleki di aluminio i bòter di glas i ta hiba esakinan na e diferente kònteinernan di resiklahe na pòmpnan di gasolin; 8. Un bon yu’i di Kòrsou ta separá bòter di plèstik, bleki di aluminio i bòter di glas i ta hiba esakinan na Kaya di Medioambiente na Malpais; 9. Un bon yu’i di Kòrsou ta kòrda riba limpiesa ora e ta dibertí tambe; 10. Selikor den akshon rekohiendo huntu ku ABO riba un pòtrèt. Reglanan pa partisipá: 1. Kantidat di potrèt ta limitá 2. tur siman mester post un otro potrèt 3. E último dia ku ta aseptá like ta riba djaweps te ku 5or di atardi 4. E ganador lo wòrdu anunsiá tur djabièrnè 5. E potrèt mester ilustrá un di e forma nan ariba menshoná 6. mester pone bo nòmber, fam, email adrès i number di telefon.
Posted on: Thu, 12 Sep 2013 17:26:11 +0000
Trending Topics
Recently Viewed Topics
© 2015