Pg 3 Umamam ndimbhalele ndamxelela yonke into , ndamxelela ukuba anga worry ngam ukuvulwa kwezikolo ndizongena eskolweni. Bendingafuni abene worry noxa nje imeko yalendlu ndikuyo ingaginyisi mathe. Uye wandiyala ukuba ndincede ndingayiyeki icawe , ndimhloniphe uncinci. Nam ndenze njengomyalelo kanozala. Uncinci unaye unyana wakhe omdala kune half brother yam , inoba una 10 years , unamaxesha okusa ke nkosi yam lomntana ingathi ngumntana lo uhlohlwayo. Andimazi ukuba uzazelaphi ukuba akangoka tata wethu and into yakhe ifuna ukundidika shame. Qha ke mandophulele ndiginye noba kuya krakra. Bekungo December moss, ifashion kulo December yi shirt ene chinese collar neblukhwe ye codroy , neclocks , eza push zinkulu ezinye zingamaplanga . Ezam beziyi swede. Yhuuu! Caba mna bekungafanelanga ukuba ndiyinxibe ifashio, lamantombazana andihleka alila iinyembezi. Wathi omnye yhuuuu! NoThembeni unazo, hayi ndiyazibonga zange ndikhathazeke kanje .Buyiswa you need to do something about this situation , this is enough, ndazixelela njalo Ubuhlobo bethu bebuqina no Nkulie aka Magaiva. Intsini besesi used kuyo qho sidlula ecaleni kwaba bangahlambiyo baka njiqa. Buyie andiyazi ukuba singayenza njani ukuba iphele lento yoba sibeyi joke kulamantombazana. Watsho uNkulie Mna ndinayo isolution xa ingxaki yam baninzi andifuni bandipakanyele ndaphendula Haybo! Nyhani unayo? Wabuza ethukile uNkulie Umntu osileyo uyabethwa ntombazana qha ndaphendula. Kaloku mna ndikhulele ezilalini , ndisitsho nje andikhulanga ndisilwa kodwa induku ndiyayazi ukuba isetyenziswa njani emntwini. Bendifuna ukuba ndulula ngentonga qha aba bacingba bayasi owner esi strato. Mamela ngomso , xa besanda kuqala lomdovolo wabo, ndizonyuka ndiye kowenu , then siphinde sehle sobabini , ndifuna bahleke umlo uzoqala phaya , wena awuzubetha uzojonga ozopakanyela udilishane naye. Ndatsho apha ku Nkulie. Ebenayo intaka uNkulie engayiqondi kakuhle lento ndiyithethayo, abantwana basedolophini kaloku banemilomo ixesha elininzi. Ngengomso ndivuka ndenza umsebenzi wam weziqhelo walapha endlini. Bekukho iplanga elide elenziwe oku kwentonga , andilazi inoba livelaphi, inoba yimisebenzi kaMdali ukuba mandiqeqeshe ezingqeqhe and bendiliva nje ukuba lizakwenza umsebenzi omhle. Bendinxibe ilokhwe eyi mini dress inotight ,ngaphantsi. Eliplanga ndiye ndalifaka apha emqolo lehla ngecala alabonakala.n ndonyuka ndaya kulo Nkulie. UNkulie undiphe oonqiyoyo , ndatya sahamba saya endlini. Nyhani sithe xasidlula yatsho intsini . Heee! Akasefast sana uBabazile/Thembeni nomntu wakhe . Watsho ekuthiwa ngu Wendy iboss yabo. Lonto akasumncwana u sistaz ku tight , ijean nelokhwe ziphumlile yatsho intsini. Bebeyekile ngoku ukudlala kujongwe kuthi. Caba yintoni le ihlekisayokuthi na ndababuza Hayi ke ibengathi ngendingabuzanga bayothula intsini. Bendifixekile ngumsindo Andinoyiki mna xa ninonke yhazzy ndatsho ndibakorhola Heeeee! Iyaqhela le murhukazi. Watsho uWendy .Uyatshaya notshaya ke lo umntu akatwebekanga ukrazukile ndikhe ndimve naxayethuka umamakhe. Bendithandazela ukuba aphakame eze kundiqala kanjani lentombana. Isithunywa uGabriel siwudlulise ngokukhawuleza umnqweni wam kuBawo cause uye weza ngqo kum uWendy. Thiza! Ndibonwa yinto Bawo! Maxhalanga ndidleni! Uthe makathi ufaka impama , ndumela inqindi straight emlonyeni. Elinqindi ndilitshovele ukuba malimwise kubekanye, and inene liwenzile umsebenzi wakhe. Bendifuna abengaphantsi , uyaxoka ebengasoze avuke. Bathe xa iqala be performer irush , wathi uNkulie anizompakanyela. Bendizixelele ukuba if undoyisile lo Wendy kophela unyaka sisilwa , thina kaloku ezilalini silwela intshinga. So uWendy ndimbethe nge surprise attack naye wothuka . Ndambetha ndamcokisa sele ephume namazinyo engophi kanje. Ukuba utatam wayengekho ngendambulala , ndandisenza nje umzekelo. Ndathi ukumyeka kwam ndakhupha ntonga ndabavuthulula . Kumhla ndaza ndohlukana nokugezelwa ngalomini. Izikolo ziye zavulwa, ndakhangela iskolo, kaloku ndibalekile ezilalini ndimke iireports zingakuphumi. But ndiye ndayifumana ireport ndayo bhalisa ndasifumana isikolo. Imeko yalapha endlini inzima lotata walapha usishiyile uhlala eSite B kuthwa uyahlisana and unomtwayo . UNcinci uye wathi uzakundicelela emlungwini wakhe ukuba ndimane ndisebenza phaya nge weekends. Besizoncedisana and kaloku ndingumntwana oyintombazana onezidingo zakhe. Ndiye ndayithakazelela lembono kancinci , nyhani wathi ngenye imini ephangela wathi mandihambe naye. Bendinexhala kodwa yonke into ivele yalula kulomsebenzi wakhe . Bendifumana iR80 per night , bendingena u19:00 ndiphume u 6:00 am ekusesi. Kuthe kuba umthwalo unzima ndacela ukungena u everyday. Bendizixelele ukuba ndizonyamezela. Ndiyafunda ecaleni ndiyaphangela. Noko iR500 ebendiyifumana ngeveki ibininzi , bendikwazi ukuthengela ubrother wam this and than , nam ndakwazi nokuzithengela impahla. Bendithandwa kulomsebenzi kancinci cause ndkhuthele and ndingoyena umncinci. Ebekhe andisizele shame umlungu wam athi ndingangeni xa ndizobhala itest sometimes. Ubom basedolophini noko bendibuqhela kunjalo nje nam besele ndise style ni ngoku. Bendizithengela impahla e standini etown. Bendinxiba smart nam ndibukeka, ndingasanxibi ilokhwe neblukhwe. Eskolweni bendisenza kakuhle kakhulu, bendizazi ukuba ndiyagqitha nakulo 9 andinangxaki, iincwadi zam ibiyitshomi yam xa ndinexesha. Most of the time bendiziphatha nasemsebenzini ebusuku xa ku quiet ndifunde if ndine test. So bendingena stress. Beauties of being young , awucingi yonke into le. Ndiphangela e Flamingo Resteaurant, xa ndisiya emsebenzini ndehla egarage , andidli ngongena ke kule Garage but namhlanje bendinxaniwe ndifuna idrink. Nanjengandawo ke ephangela abafana kwakusoloko kukhala amakhwelo xa ndidlula qha ndiqinise intloko ndenze ngathi andiva. Namhlanje bendinxaniwe ndifuna idrink. Ndiye ndangena ndathenga idrink. Ethilini ngubhuti obobubelekazi oye wandamkela endincoma ubuhle. Ndiyintombi kaloku kumele ukuba ndincwaswe ngabafana . Lomfana noko sele ebuqabuka kunam. Ndayixolela ke eyofunwa ngabantu abadala kunam , ngulomzimba ndinawo. Bendingayihoyanga into yamakhwenkwe ngabula mamam cause bendingenalo ixesha lawo. Lobhuti uye wathi mandithathe idrink nezinye izinto endizifunayo uzobhatala. Tyhini! Ndiyabhejwa ngoku, nam ke ndenjenjalo. Uye wacela ukuphinda andibone . Ibingeyongxaki ke leyo kuba ndehla apha everyday xa ndiphangelayo. Inoba ulungiselela ukutshayisa cause uyabonakala ukuba ubungxama. Uye wavalelisa ke kuba sizakubonana ngengomso wandibongoza ukuba ndincede ndingamphoxi. Siye sashiya ke kuba siyaku bonana ngomso. Qha ndiqaphele nje ukuba kwi name tag yakhe ngu Andile.
Posted on: Mon, 26 Jan 2015 09:46:50 +0000
Recently Viewed Topics
© 2015