Pu te u, in lo hre mai thei a, Pu Hawla te thlalak behchhanin Aizawl Police Station ah June 4 khan FIR ka thehlut a. Sept 11 khan official conclusion an neih thu min rawn hrilh a. Aizawl SP Pu C.Laldina lehkha min rawn thawn hi ka rawn tarlang duh a. Dan zir lem lo hi min convince lutuk lo a, dan hria te ngaihdan ka rawn zawt duh che u a ni. Point by point in Pu Dina hian min rawn chhang a, min lo analyse sak theih chuan ka lawm khawp ang. Tin, he group ah hian ka thil buaipui duh lem lo in awm thei ang tih ka ring a. Tuna ka rawn zawhna hi chu, legal interpretation emaw analysis/comment min neih sak thei em? tihna lam chauh a ni e. Ka lawm e. To Laltanpuia Pachuau I email ni 28.5.2014-a ziah, Aizawl Police Station in ni 4.6.2014 a an lo receive chungchang-ah lungawi lohna I la nei ni a hriat theih turin I thuziak hriat fo a nih avangin thil awmdan kimchang in hrilh a ngai ni a hriat a ni, chuvangin a hnuaiah hian thilawmdante tarlan a ni a, Police-te hmalak dan hi dan ang thlap a nih leh hmalak ngamlohna nei anga I ngaihnate a hnuai a thute hian a hrilfiah theih che ka beisei:- 1. He office lehkha hmasa in a sawi tawh angin, email kaltlanga I FIR dawn hi Mizoram Police Manual 2005, Rule 494(6) angin telegram leh telephone kaltlanga a complain dawn anga ngaih a ni a, he Rule vekin a phut angin enquiry lak a ni ta a ni. 2. I FIR hi ni 4.6.2013 a dawn a ni a, I thlalak rawn thil tel hi ni 21.4.2014 a lak ni a hriat a ni a, a inkarah hian ni 44 a tla hman a, chuvangin dan anga I mi rawn hek te hian beer hi an in leh in loh endik theih a ni tawh lo a ni. 3. I FIR-ah hian a thlalak rawn chhuahna tu emawin a rawn tarlan a nih bak leh Chief Minister Pu Lalthanhawla leh a nupui Pi Riliani te hian an thian kawmnaah Fosters beer hi an lo dawmah hian an thli ngei niin a lang a (sic) tih bak thilsualtihna (cognizable offence) chiangtak sawi tur I neih loh avangin, Supreme Court of India in Lalita Kumari vrs Govt.of UP and Others ruling-ah chiang takin If the information received does not disclose a cognizable offence but indicates the necessity for an enquiry, preliminary inquiry may be conducted only to ascertain whether cognizable offence is disclosed or not a tih angin Aizawl PS hnuaiah enquiry lak a nita ani. 4. I thlalak rawn thiltel hi Social Media dang tanga he thlalak ang tho kan hmuh nen khaikhin chuan, Pu Lal Thanhawla te nupa bula beer can a lan hnaih theih nan a, crop hnaih niin a lang a. Nangman I crop lui a nih loh chuan mi tute emaw in ngahhai theih tur a, an thlalak siam hnaih I lo hmu ve a ni thei in kan hria. He thlalak hi chiang tak a I en chuan beer can awmna dawhkan hi Pu Lal Thanhawla te nupa hma nilovin midang hma a awm a ni tih a hmuh theih a, Pu Lal Thanhawla te nupa hma a dawhkanah hian beer can a awmlo tih I hmu thei bawk ang. 5. Police Enquiry chuan hemi zana thlalatu leh chaweikhawmna in neitu te telin hemi zan a awmve mi pali statement a record a, a hmuna awmve ngei te leh a in neitu te sawidanin Pu Lal Thanhawl leh Pi Rilliani te nupa hian Fosters beer hi an in lo tih chiang takin an sawi a ni, an thusawi hi awihloh na chhan tur Police chuan kan hre lo. I FIR in thiltihsualna/ cognizable offence a tarlan loh avang leh, Police inquiry pawhin a hmuh loh avangin I FIR behchhan hian Pu Lal Thanhawla leh Pi Riliani te hi criminal case siamsak an nilo tih ka hriattir che a ni. Police hmalakna a I lungawilo a nih chuan Chief Judicial Magistrate, Aizawl Judicial District, hnehah I zualko thei ang tih ka hrilh hre duh bawk che a ni I rintlak, C.Laldina IPS Superintendent of Police Aizawl District,Aizawl
Posted on: Sat, 13 Sep 2014 17:40:05 +0000
Trending Topics
Recently Viewed Topics
© 2015