Q: لسلام عليكم كنت عايزة اخد رايكم فى حاجه و تنصحونى اعمل ايه انا دلوقتى ف تالت سنة ليا فى الكلية و المفروض ان صحابى اعرفهم من اول الكلية بس كانى اعرفهم من زمان الفترة الاخيرة بقت تحصل مشاكل بسبب انى ارتبطت بواحد صاحبنا فى الكلية و هما كلهم كانوا معترضين و بدأوا الولاد يضايقونى و لما هو اخد موقف و قال ان محدش له دعوة بيا زعلوا و قالوا انه بيخسرهم عشان بنت اللى هى انا .. و بالتالى انا بقيت سبب المشاكل غير كده كل شوية يجيلى كلام انهم بيتكلموا عليا اللى يقول سوسة و اللى يقول انا اللى خليت الصحاب يخسروا بعض و اما اوجههم بالكلام يقولوا انا بنقل كلام و بشيل الناس من بعض و بطلع برده وحشة و انا و الله مش بعمل حاجه كل المشكلة ان انا و اللى مرتبطة بيه طبعنا جد شوية يعنى انا مرتبطة يبقى لا فى هزار و لا كلام و نت مع ولاد هما بقى مش كده .. اللى مرتبطة بواحد ممكن تقوم تتمشى مع صاحبه عادى و تكلمه موبايل و نت !!!! انا دلوقتى مبقتش مرتاحة معاهم لانى حاسة انى غير مرغوب فيا وسطهم و كمان ساعات بيتكلموا على بعض فى الخباثة و انا مش وبحب كده و عايزة ابعد عنهم بس المشكلة اننا مع بعض فى نفس الكلية و مش عارفه اسحب نفسى من وسطهم ازاى .. غير كده حاسة ان صعب انى لسه اكون صحاب جداد عشان على طول حاسة انى لوحدى أينعم مرتبطة بس الصحاب البنات مهمين برده نفسى اخليهم يندموا انهم خسرونى عشان انا و الله معملتش حاجه و لا وحشة زى ما هما بيقولوا عليا و يحسوا انى لما بعدت عنهم انى بقيت احس منهم قولولى اعمل معاهم ايه ؟؟ و ازاى محسش انى لوحدى و انى اتفوق عليهم سواء فى دراسة او فى الحياة العامة و ارجع ثقتى ف نفسى تانى اسفة انى طولت عليكوا #Alexandria #Brides
Posted on: Fri, 04 Oct 2013 17:43:47 +0000
Trending Topics
Recently Viewed Topics
© 2015