Qayamat Ke Qareeb Kitni Bad’tar Harkate Hongi ? » Hadees : Hazoor (Sallallahu Alaihay Wasallam) Ne Farmaya, Uss Waqt Tumhara Kya Haal Hoga ? Jab Tumhare Naujawan Bad’kaar(Characterless) Ho Jayenge, Aur Tumhari Ladkiyan Aur Aurtein Tamaam Hadood Phallaang(Limit Cross) Kar Jayeingy, Sahaba Karaam Ne Arz Kiya, ‘Ya Rasool’Allah (Sallallahu Alaihay Wasallam)! Kya Aesa Bhi Hoga?’ Aapne Farmaya: ‘Haan! Aur Uss Se Barh Ker, Uss Waqt Tumhara Kya Haal Hoga, Jab Na Tum Bhalayi Ka Hukm Karoge, Na Burayi Par Aitraaz Karoge!, Sahaba-e-Kiraam Ne Arz Kiya, ‘Ya Rasool’Allah (Sallallahu Alaihay Wasallam)! Kya Aesa Bhi Hoga?’ Aapne Farmaya: ‘Haan!, Aur Uss Se Bhi Bad’tar, Uss Waqt Tum Per Kya Guzregi? Jab Tum Burayi Ko Bhalayi Aur Bhalayi Ko Burayi Samajhne Lagoge. - (Kitab Al Raqaiq, Ibne Mubarak : 484) » Sabaq : Lihaza Aye Emanwaalo! Iss Se Pahle Ke Ilm Ko Utha Liya Jaye Aur Jahalat Ka Agaz Ho, Allah Ka Khouf Karo Aur Apne Nafs Ko Haq-Hidayat Ki Taraf Ruzu Karo, Taaki Tum Bhi Rehmate Khudawandi Ke Muntazir Ho Sako.. Insha Allah !! Allah Ta’ala Hame Parhne Sun’ne Se Jyada Amal Ki Toufiq De…
Posted on: Tue, 10 Sep 2013 11:27:44 +0000
Trending Topics
Recently Viewed Topics
© 2015