Record theih chin ah khaw lum ber kum a ni maithei. German Scientist-te chuan February thla daih tawh khan tun kum hi record theih china a la lum ber kum a nih theihna chance 75% a awm ti in an lo sawi lawk tawh a. Hetiang a khawvel boruak ti danglam thei khawp a thil thleng tur chuan ‘El Nino” a thlen hmasak tur thu pawh an lawi sawi lawk tel nghe nghe. Amaherawhchu hei hi scientist thenkhat-te chuan awhlo viau mahse, nimin mai khan Expert-te chuan South America lamah chuan ‘EL Nino” thli lum nasa tak mai chu Pacific Ocean- a mun mek thu an puang ta a ni.Expert te chhut dan hi a dik a nih chuan ‘El Nino’ hi April thla tawp lamah emaw June thla tir vel atanga, thla 9 chhung daih tura thleng tura ngaih a ni. Min nghawng theih dan tur : El Nino hi a thleng ta ngei a nih chuan India ramin a “Monsoon” (Fur ruah) kum tina kan dawn thin chu khawh biau thei turah an ngai a. Khua a luma a khen mai bakah, Buh leh bal tharchhuahte, FY15 GDP growth rate leh inflation-te pawh a nghawng a rinawm. Amaherawhchu ‘El Nino’ hi lo thleng ta pawh nise Union Agriculture Minister ‘Sharad Pawar’ chuan a hlauhthawnawm loh thu leh Sorkar a inpuanchah thu a lo sawi ve bawk. Tin, 1997-kum a ‘El Nino’ in a ‘Indian Monsoon’ (Fur) a nghawng tur thu an lo hrilh lawk kha a dik lova. 1997 kum vek khan ruah tui a thla tha hle a. Buh leh bal lam pawh India chuan a thar chhuak tha hle tho a ni. Heng thu thang avang hian chi ai erawh a chi kher lova. Nikum lama ’Mahasen’ Cyclone-in nataka kan ram nuai tura kan ngaih lai khan a rawn thlen hnaih meuh chuan a kiam ta duak a nih kha. El Nino pawh hi lo thleng ta ngei se, Monsoon hi chu a nghawng kher lo mai thei bawk a ni. Engpawh nise khua chu a lum hle hrih phawt a, a lum ber kum a nih leh nih loh tur chu hunin la hril turah ngai phawt ang…
Posted on: Mon, 21 Apr 2014 07:03:48 +0000
Trending Topics
Recently Viewed Topics
© 2015