SABANANYO PADUSI TU GALIA (CURANG) !! Kalau banyak Padusi nan mangecekan Laki-laki tu Egois, Kareh Kapalo jo Nan Kalamak Dek Inyo sajo, rancak bapikia liak. Sabananyo Padusi tu galia (Curang) jo istimewa. Contoh : 1. Kalau Padusi pakai pakaian Laki-laki. Biaso se nyo.. Tapi kalau Laki-laki nan pakai pakaian Padusi? Bencong paja tu mah Padusi pakai kaos atau kemeja Laki-laki. Ndak masalah doh.. Tapi kalau Laki-laki nan pakai Tangtop atau Kebaya. Huweeeek.. Amuah mutah urang sakampuang mancaliaknyo. 2. Emansipasi hanyo berlaku untuak hal-hal nan mambuek Padusi sanang, contoh : di dalam Bis nan panuah. Padusi : uda tagak se lah yo? Bia denai nan duduak, denai kan padusi.. Laki-laki : jadih diak.. Tapi pas Ban Bis bocor.. Padusi : nan laki-laki turun lah, tolong manuka ban tu ha.. (Ndak surang pun padusi nan manolong doh, malah lamak-lamak main Hp dalam Bis. Contoh lain katiko Laki-laki sadang asik nonton OVJ. Padusi : tuka jo Sinetron yo da?? (Langsuang marabuik remot) Laki-laki : jadih diak.. (Mangalah) Tapi pas Tipi basamuik karano Antene bagoyang diateh genteng.. Padusi : paelokan Antene diateh genteng cek da, uda kan Laki-laki.. (pakai senyum paliang manih) 3. Kalau padusi salah masuak ka WC Laki-Laki. Ndak baa doh, mungkin WC Padusi sadang panuah Tapi kalau Laki-laki salah masuak ka WC Padusi. Siap-siap se lah kanai keroyok.. (Marasai kami diak, hikz) 4. Padusi kalau nongkrong pakai Kain Saruang.. Masih rancak dicaliak.. Cubo kalau Laki-laki nan nongkrong paki Mukena.. Haha....Awaas.. Ado Kuntilanak..!! 5. Kalau Padusi mamanggia kawan padusinyo Sayang, Beb, Honey dll Biaso se nyo, mungkin dek talalu akrab Tapi kalau Laki-laki nan mamanggia kawannyo laki-lakinyo Sayang, Beb, Honey dll Lua biaso, lua biaso Homonyo.. 6. Kalau Padusi bafoto samo Padusi sambia bapaluak jo adu pipi.. Ndak aneh doh, mungkin nyo bakawan arek Tapi cubo Laki-laki nan bafoto sambia bapaluak jo adu pipi.. Limau makan Asamcyiiiin=))
Posted on: Fri, 18 Oct 2013 06:50:31 +0000
Trending Topics
Recently Viewed Topics
© 2015