SHAN-A-NABI ************ Ek din HAZRAT ABU HURAIRA RADI ALLAHU TA`ALA ANHU bhuk se nidhal hokar raste me baith gye. HAZRAT ABU BAQR SIDDIQ RADI ALLAHU TA`ALA ANHU samne se guzre to unse unhone QURAN ki ek ayat ko daryaft kiya.Maqsad ye tha ki shayad wo mujhe apne ghar le jakar kuch khila dege.magar unhone raste chalte hue ayat bata di.aur chale gye.fir HAZRAT UMAR RADI ALLAHU TA`ALA ANHU us raste se nikle.unse bhi unhone ek ayat ka matlab pucha.Garaz wahi thi ki wo kuch khila dege .magar wo bhi ayat ka matlab bata kar chal diye.uske baad HUZOOR SALLALLAHU TA`ALA ALLAIHI WA SALLAM tashreef laye .aur HAZRAT ABU HURAIRA ke chehre ko dekh kar apni khudadadba seerat se jaan liya ki ye bhuke hai .aap ne pukara .unhone jawab diya aur sath ho liye.jab aap KASHANA-A- NUBUW AT me pahuche,to ghar me dudh se bhara hua ek pyala dekha . ghar walo ne apko us shaqs ka naam batlaya jis ne dudh ka ye hadiya bheja tha .aapne HAZRAT ABU HURAIRA RADI ALLAHU TA`ALA ANHU ko hukm diya ki jao aur tamam ashabe suffa ko bula lao .HAZRAT ABU HURAIRA RADI ALLAHU TA`ALA ANHU apne dil me sochne lage ki ek hi pyala to dudh hai .is dudh ka sabse ziyada to haqdar mai tha .agar mujhe mil jata to mujhko bhuk ki taqleef se kuch rahat mil jati.ab dekhiye ashabe suffa ke aa jane ke baad bhala isme se kuch mujhe milta bhi hai ya nahi?unke dil me yahi khayalat chakkar laga rahe the .Magar ALLAH WA RASOOL ki ita`at se koi chara na tha.lihaza wo ashabe suffa ko bula kar le gye .yha sab log apni apni qatar me baith gye.fir aapne HAZRAT ABU HURAIRA RADI ALLAHU TA`ALA ANHU ko hukm diya ki tum khud in sab logo ko ye dudh pilao. chunach unhone sabko pilana shuru kar diya.jab sabke sab shikam sair pi kar sairab ho gye .To HUZOOR SALLALLAHU TA`ALA ALLAIHI WA SALLAM ne apne daste rahmat me pyala le liya aur HAZRAT ABU HURAIRA RADI ALLAHU TA`ALA ANHU ki taraf dekh kar muskuraye aur farmaya ki ab sirf hum aur tum baqi rah gye hai .aoo.baitho aur tum pina shuru kar do .unhone bhar pet dudh pi kar pyala rakhna chaha to apne aapne farmaya ki aur piyo chunache unhone fir piya lekin aap baar baar farmate rahe ki aur piyo aur piyo yha tak ki ABU HURAIRA RADI ALLAHU TA`ALA ANHU ne arz kiya ki YA RASOOL ALLAH (SALLALLAHU TA`ALA ALLAIHI WA SALLAM )mujhe us zaat ki kasam hai jisne aapko haq ke sath bheja hai ki ab mere pet me bilkul bhi gunjaish nahi rahi.uske baad HUZOOR SALLALLAHU TA`ALA ALLAIHI WA SALLAM ne pyala apne MUBARAK hath me le liya aur jitna dudh bach gya tha aapne BISMILLAH karke pi liya. (bukhari jild 2 safa 955 ta safa 956) yahi wo muajiza hai jiski taraf ishara karte hue ala hazrat fazile barelvi rahmatullah allaih ne farmaya hai . KIYU JANABE ABU HURAIRA.KAISA THA WO JAME SHEER? JIS SE SATTAR SAHIBO KA DUDH SE MUH FIR GYA ILTIJA-A-DUA *********** Dosto humare jo bhai bahen Palestine .gaza me paresha kiye ja rahe hai jinper zulm o sitam ho raha hai unke liye aap sab apni namazo me khas dua kare humare bhai baheno ko is waqt humari duao ki sakht zarurat hai.
Posted on: Wed, 16 Jul 2014 00:28:38 +0000
Trending Topics
Recently Viewed Topics
© 2015