SIPAI LOVE LETTER (a ngai ngai in) Ziaktu - Tetea Lonewolf Khiangte I tan chauh(jas for yuo) Hmangaih leh duh ber Kaphrangi (Hrangtei) (he lehkha hi Thianpa Ropuia bak kha lo chhiar tir tawh lo ang che, ka lehkha hmasa Thankhuma i chhiartir te kha diklo deuh deuhin a chhiar sak che a, i hnute pawh a len zawng a teh sak phah che nih kha, nang pawh hian hriat ve awm ania midang i hnute len zawng ka teh tir hauh lo ang tih chu. Thianpa Ropuia chiah lo chhiartir tawh ang che, ziak leh chhiar hi chu thiam ve la a tha sin mawle.) Ka dam tha e, tunlai chu ka naute ho pawh an felin thu an awih khawp mai, chuan ka kaisang leh tawh a, ka bel belh leh tawh e, i pa khan bel kai ngei unifawm kha min chah nanga kan hotuten bel kai fawm hawn an phal lo a, a duh chuan zirtirtupa puanthuikhawlahkhan lo va bel tir sela, a duh duh zat a bel thei ang, i lo hrilh dawn nia. I bekangro min paipawn kha kar hmasa khan ka ei zo chiah a, a tello chuan lunglen nen chawei a har khawp mai, vaihlo chu tlem ka la nei a, i samzaia i tawn kha chu ka la zu phalloa, ka lukham hnuaiah a telin ka daha, zantin ka en thin. Zobeli nena min min sawi kha chu lo ngaipawimawh duh suh, i hriatchian duh chuan Ropuia kha lo zawt mai rawh, kha tiang hmeichhia kha, U Khuma te pawn an duh duhin an sawhkeh thei a nia, U Khuma te sawhkeh hnu engahmah ka ti bik lo. Masi a hnai tawh a, ka lo haw ve thei tep tawh e, i Masi kawr tur leh Pin mawi chu ka lei tawh e, Pinmawi ka hawn sak hmasa che ka kilh apiangin a na thei lutuk i tih kha i vun i kilh tel a nih ka ring ngawt mai, a nih loh chuan a natna chhan tur ka hre miah lo, i kawr tur pawh i duh ang ngei in, a bial lian puipuia tial ngei a ni e. I kawr ka lei hi ka rawn haw hunah Pu Thangate Lamkhuang hnuaiah khan athar kan lawm leh dawn nia, Lamkhuang rah hun lai a ni lo anga, kan delh pherh tawh lo ang, taka i mawnga Lamkhuang hnai kha i tireh thei tawh em? Buhseng ramriah a hnai tawha, ram in riaka, pawl buka in riak khawm leh a nih pawn i pa bul hnaiah mu tlat tawh la, tuman an zen thei tawh lo ang che. Chuan buh in chhek khan lo duham lutuk tawh lo la, mi in i kawngchho buh phur hmel luak fun a ang lutuk an ti a, ka lai a na tlat. Kan inneih hun chuan i hahdam ve tawh ang, kan awmna lamah ka hruai chenga atta per i pawtthler hek hek ringawt tawh ang, vai tawng hlirin i la rak tawh bawk ang. Chuan Rohnuni kha a rai an tih thawm kha ka hria a, tunge a puh hriat tum la, Ropuia kha lo zawt la, a ni khan tunge a puh a hre mai ang, Ropuia sawi loh chu lo ring miah suh ang che. Awle ka naute duti kan kual a hun leh tawha, ka duh tawk phawt mai ang. Ka ngai lutuk che nia. I tana rinawm tlat *********liana 12 Betch Lacknwo 9 hours ago·Sent from Mobile
Posted on: Wed, 30 Oct 2013 03:27:22 +0000
Trending Topics
Recently Viewed Topics
© 2015