SOKE SIBONE 19. Kodwa yise uyake nje ukhulume loNqobile selokhu wathathayo? Sikhulumani lawe nanina? Hawu kodwa baba angithi umuntu uyakebuze ukuthi baqhuba njani abaganeneyo. Kambe engangitshelani nanina ngoba ucansi aluxoxwa? Kwazibani baba mhlawumbe lalolo cansi alalukwa. Uthini na we nanina. Utsho ukuthi kukhona inkinga ekamelweni? Hatshi baba angitsho njalo, kodwa awucabangi ukuthi sekumele ukuthi ngabe sekulontshintsho emzimbeni kamalukazana. Wathi eqeda kutsho njalo uMaGumede kwathi qwi engqondweni zikaNyathi ukuthi kukhona okukhona phela unkosikazi wakhe angeke akhulume kanje kungekho lutho yaqala ke inkukhu ukuwusola umgqakazo. Kuvele kuyimvama ukuthi amadoda sithathela kude ezinye izinto asizinaki sizitshaya indiva yikho ubona inkazana encane ikwazi ukuthintitha isikhwama sendoda endala isale ingasela peni elibomvu leli. Kunjalo lendlu ihlala iyindlu kuze kufike umfazi ayenze umuzi. Lalitshisa likhipha inhlanzi emanzini. Esibhakabhakeni amayezi ayengogqagqa kungathi abebekwa ngabomo kanti hatshi yimvelo kamdali. Ezihlahleni ezazithe silikici ngamahlamvu kwazise kwakusentwasahlobo ngomfumfu izidlonono zazingazibekile phansi zicula iculolazo lokubonga usomandla elivala abantu indlebe. Wezwa kuthi akaphume ngakibo uNqobile litshisa linjalo ake elule inyawo engene igusu .Waphuma etshiya ixhegu lakhe lizibazela ngaphansi kwesihlahla lesalukazi salo sihleli eceleni sicacada amazambane angithi phela babodwa basebeqalile ukugebhula umhlaba kuthelwa yona nhlanyelo phansi. Nango ehamba etsholobela uhambanje uhamba zonke indawo ayezihamba ebutsheni bakhe eselusa umhlambi kayise. Waze wathi qaqabu esesemachibini lakhona esesethuswa ngumsindo wabafana benkomo ababebhukutsha. Wema ke ezihlahleni wangaveli wababuka.Wasekhangwa nguloyamfana ogeza eyedwa uyageza impela akabhukutshi. Ambukisise kwazise ufulathele ngakuye abelokhu uyabuka uNqobile umfana elokhu edunusa esikha amanzi ezithela. Wethuka eseginqe semanzi te uNqobile ngapha eseqhuqha imizwa isivuke umbhejazana. Seluqine nko uphondo lukabhejane kungathi lungaze ludabule ibhulugwe. Wabona ukuthi isimkhulela imizwa watshibilika waqonda ekhaya ehamba ezidonsa kwazise inhliziyo yayisibuhlungu ukuthi loyamfana umthole elabanye usefisa kangaka ukuthi ngabe ubeyedwa .Wafika wangena ekamelweni labo wathola uNomqhele ezicambalalele ngengubo yabomama kuphela. Njengoba engqondweni kwakokhu kulomfana wabantu obezigezela wasondela kuNomqhele eselula isandla. Wathula uNomqhele esizwa uvalo lwentokozo ethi lakanjani namuhla liyonetha uNqobile uyaludabula ufudu.Esethi amthinte wavele wathi khwimilili esebona ukuthi longu Nomqhele akusiSteve noma uPaul okanye loyamfana ombone emachibini.Wahle wahamba ugesi. Hawu baba wangathi udunyelwe lizulu nje kuhle? Kubuza uNomqhele.Akungiyekele mina nx! Ingabe sengikwenzeni baba wanginxaphela? Vele wavumelani ukuzokwenda. Ingoba ngakwethembisa khumbula ngaphansi komgqimfi. Lapho ke kwathi katshayeke phansi uNqobile phela ukewama kakhulu ngaphansi kwalowo mgqimfi okuthiwa kakhumbule ngaphansi kwawo ngesikhathi esiya emachibini. Wabekaphansi isancele sakhe uNyathi wokhela ingidi yakhe,wayiphaquza kabili eyidonsa ngamandla wathi Ngiyakuzwa nanina wena uyake ukhulume lomalukazana ? Wena umbona eneme yini uMaKhumalo baba? Kimi kuyefana MaSokhela wami.Ngoba ngibona lizwana lobabili. Hatshi ke baba ikhona indaba.Ihloka aligamuli kuNqobile. Ini? ? uyazenzisa uNqobile ayikho leyo.Uzifunela wona amadoda akhe lawo. Nx! soke sibone watsho ephaquza futhi ingidi yakhe ngamandla uNyathi,esenwaya impabanga,ehwaqa kuvela imizila engufifteen ebunzini.Ngapha embambatha phansi ngenyathela kungani ngugugudwana kuqeda kunetha. ... Sanibonani nixole ukuza late amacomments ka 18 awangijabulisanga neze abemancane kakhulu aze edlulwa ngolike asungiseni laphana. Ukuze nami ngikhuthale bandla. Ngenhliziyo nangothando .Nanku okunye angiyena uDube boo .Sibathathu abalobi lapha ekhaya mina oliphakela lolugwalo nguKhumalo. Lixole ngezipele namanye amaphutha I4ne ebengiyisebenzisa idakiwe ngakho leyi angikayejwayeli isangivexer. #Nxasto.
Posted on: Wed, 12 Nov 2014 06:47:16 +0000
Trending Topics
Recently Viewed Topics
© 2015