SOTTO CERTE CONDIZIONI, SI PUÒ PREGARE PER IL CASTIGO ED ANCHE LA MORTE DI UOMINI PESSIMI E DANNOSISSIMI. PETRI DENS, THEOLOGIA MORALIS ET DOGMATICA, DUBLIN 1832 IN PSAL. 9. “CONVERTANTUR PECCATORES IN INFERNUM”, ET PSALM. 54. “VENIAT MORS SUPER ILLOS”. Hæ et similes expressiones possunt intelligi variis modis: 1º. Per modum prædictionis: ita ut non sit optantis, ut fiat, sed prophetantis, quia fiet, et ita sensus sit: præcipitabuntur in infernum, veniet mors super illos: sic etiam Isaiæ cap. 6, 10. dicitur: “Excæca cor populi hujus”, id est, dic, fore ut excæcentur. 2º. Per modum optantis, sic tamen, ut desiderium optantis non referatur in pœnam hominum, sed ad justitiam Dei punientis, juxta illud Psalm. 57, 10. “Lætabitur justus", non in ipso malo proximi, cum nec ipse Deus puniens lætetur in perditione impiorum, Sapient. 1, 13. 3º Intelligi possunt, ut desiderium feratur in remotionem culpæ, non in ipsam pœnam, ut scilicet peccata destruantur, et sic homines salvi fiant, quomodo intelligi potest illud Psalm. 103, 36. “Deficiant peccatores a terra, et iniqui, ‘ita ut non sint’; nempe convertantur peccatores, et non sint amplius, quod fuerunt. 4º. Imprecationes illæ peccatoribus fieri possunt, ut per eorum punitionem reprimantur mali, qui eorum exemplo firmantur: vel ut respecto bonorum cesset scandalum, quod peccatores ipsis dant suis vexationibus. *** Semper illicitum est optare proximo malum, ut malum est: quia id adversatur charitati. Aliquando tamen licet proximo optare malum aliquod temporale, modo non desideretur ex malo affecto, sed vel ad amendationem culpæ, vel ad conservationem justitiæ, vel ad bonum commune, etc. et ita aliquando licet optare, ut peccatori obveniat v. g. paupertas, corporis infirmitas, etc. ut per ea retrahatur a peccatis, etc. hoc etiam modo oramus Deum, “ut inimicos Sanctæ Ecclesiæ humiliare dignetur”. Nunquam tamen licet homini adhuc in hoc sæculo viventi optare damnationem æternam: quia id contrarium est fini, ad quem debemus ex charitate diligere omnem viatorem.
Posted on: Tue, 30 Jul 2013 10:36:26 +0000
Trending Topics
Recently Viewed Topics
© 2015