STILLING LEDIG Det er tid for tilsetting. Åremålsstillinga som Norges statsminister skal tilsettast for fire nye år. Ved utlysing av ledige stillingar blir det gjerne lagt vekt på ulike moment. Det som oftast går igjen som viktig er «personlig egenhet», ledareigenskapar, samarbeidsevner, ansiennitet og formell kompetanse. Jens Stoltenberg har sagt seg villig til å halde fram i jobben. Han vil gjerne ta Norge vidare. Hans person og evne som statsledar har stor nasjonal og internasjonal annerkjennelse. Siste stortingsperiode har han har leda landet gjennom etterkrigstidas mest alvorlege kriser. Norge er det landet som aller best har klart å komme seg gjennom den internasjonale økonomiske krisa som ramma, og fortsatt pregar, heile den vestlege verda. I tida under og etter terrorangrepet 22-juli stod han fram som ein tydelig «landsfader». Det rød-grønne samarbeidsprosjektet har nok krevd store samarbeidsevner på bakrommet, men dei sjølve anser det som så fruktbart at dei stiller saman til valg for tredje gong. Jens Stoltenberg har erfaring som ledar for AUF, ledar for Arbeiderpartiet sidan 2002, statssekretær i Miljøverndepartementet, vært både nærings- og energiminister og finansminister og har erfaring som statsminister i tre periodar. Stoltenberg er den aller mest erfarne og kunnskapsrike politikaren vi har i norsk politikk. Andre som søker jobben er ikkje i nærleiken av å matche disse kvalifikasjonane. Og Jens Stoltenberg kan vise til resultat. Både nasjonalt og internasjonalt. Både når vi er nærsynte og opptatt av kvardagslivet vårt. Og når vi løftar blikket og ser lille Norge i eit større perspektiv. Dei aller aller fleste innbyggarane i Norge meiner landet vårt er nær ved å vere eit perfekt land å leve og bo i. Det er sterk oppslutning om velferdsstaten og den norske modellen. Dette går fram av Innbyggerundersøkelsen 2013 som måler innbyggarane si tilfredsheit med kommunale, fylkeskommunale og statlege tenester. Nordmenn generelt er svært tilfredse med dei største offentlege tenestene, velferdsstaten, demokrati og å bo i ulike delar av Norge. Norge er ein del av verden. Det prestisjetunge medisinske tidsskriftet The Lancet skreiv for nokre dagar sidan om Norge. Redaktøren Richard Norton skreiv at det Norge har oppnådd innanfor global helse er Jens Stoltenberg og den rød-grønne regjeringa sin største prestasjon. Han viser til Stoltenberg sitt sterke personlege engasjement for mødre - og barnehelse og vaksinering av verdas barn. Norton meiner at ei Høgre- regjering kan gi det verste resultatet for Norges rolle innan global helse. Det er det norske folk som skal avgjere kven som får stillinga. Å vrake den mest kvalifiserte og beste representative søkaren vil vere eit historisk mistak. På dette nivået har vi ikkje råd til å endre kurs berre for at det kanskje kan fryde med forandring. Vi veit kva vi har og slettes ikkje kva vi får ved eit regjeringsskifte. If it ain`t broke, don`t fix it ! Never change a winning team.
Posted on: Sun, 08 Sep 2013 08:03:14 +0000
Trending Topics
Recently Viewed Topics
© 2015