Salmonan Chapter 77 77:1 Mi ta sklama na Dios ku mi bos; na Dios mi ta sklama, i E lo skuchami. 77:2 Den e dia di mi angustia mi a buska Señor; den anochi mi a ekstendé mi man sin kansa; mi alma no kier a wòrdu konsolá. 77:3 Ora mi kòrda riba Dios, mi ta keda konmoví; ora mi suspirá, mi spiritu ta desmayá. 77:4 Bo a tene mi wowonan habrí; mi ta asina intrankil ku mi no por papia. 77:5 Mi ta kòrda e dianan di promé aya, e añanan di hopi tempu pasá. 77:6 Mi ta kòrda mi kantika den anochi; mi ta meditá den mi kurason, i mi spiritu ta keda pensa. 77:7 Señor lo rechasá pa semper? I lo E no mustra Su grasia nunka mas? 77:8 Akaso Su miserikòrdia a tèrminá pa semper? Su promesa a yega na un fin pa semper? 77:9 Dios a lubidá di ta miserikòrdioso? El a kita Su kompashon den Su rabia? 77:10 Pesei mi a bisa: Esaki ta mi tristesa, ku e man drechi di e Haltísimo a kambia. 77:11 Lo mi kòrda e echonan di SEÑOR; siguramente lo mi kòrda Bo maraviyanan di promé aya. 77:12 Lo mi meditá riba tur Bo obranan, i keda pensa riba Bo echonan. 77:13 Bo kaminda, O Dios, ta santu; kual dios ta grandi manera nos Dios? 77:14 Abo ta e Dios ku ta hasi maraviyanan; Abo a hasi Bo poder bira konosí meimei di e pueblonan. 77:15 Abo a redimí Bo pueblo ku Bo poder, e yu hòmbernan di Jakòb i Jose. 77:16 E awanan a miraBo, O Dios; e awanan a miraBo, nan tabata den angustia; e profundidatnan tambe a tembla. 77:17 E nubianan a basha awa; un zonidu tabata resoná for di e shelunan; Bo flechanan tabata kòrta paki paya. 77:18 E zonidu di Bo strena tabata den e warwarú; Bo lampernan tabata lusa mundu; tera tabata tembla i sakudí. 77:19 Bo kaminda tabata den laman, i Bo berehanan den e awanan poderoso, i Bo lastronan no ta konosí. 77:20 Bo a guia Bo pueblo manera un tou di karné, pa medio di e man di Moisés i Aaron.
Posted on: Thu, 28 Nov 2013 10:15:56 +0000
Trending Topics
Recently Viewed Topics
© 2015