Sapilitang paglilikas sa 6,000 Pinoy sa Egypt ipapatupad na - DFA Written by Reymund Tinaza Published in Latest News Tuesday, 20 August 2013 10:52 Mismong si Foreign Affairs Sec. Albert F. del Rosario ang nag-abiso nito matapos ang ikalawang beses na pagbisita sa Cairo sa loob ng dalawang linggo para ma-assess ang security situation ng mga kababayan. Sinabi ni Del Rosario na dahil sa lumalalang karahasan, hindi na ligtas para sa mga Pilipino ang manirahan o magtrabaho doon. Tinatayang mahigit pa sa 6,000 mga Pinoy ang nasa Egypt. Sa ilalim ng Crisis Alert Level 4, magkakaroon ng mandatory repatriation kung saan Philippine government ang babalikat sa mga gastusin. Isang Rapid Response Team (RRT) ang dumating sa Cairo noong August 17 para tumulong sa repatriation program. "On August 14, a Filipino-Egyptian teenager was hit by a stray bullet during clashes near her home in Helwan. The teenager seemed to be on the road to recovery and was in good spirits when she was visited by Secretary del Rosario, according to Foreign Affairs Undersecretary for Migrant Workers Affairs Jesus I. Yabes and Philippine Ambassador to Egypt Claro Cristobal," bahagi ng DFA statement. Narito ang contact details ng embahada ng Pilipinas sa Cairo: • Trunk Lines: (+202) 25213062/64/65/51 • Direct Lines: (+202) 2516 6217 / 25213045 • Mobile Hotlines: (+2) 012 2743 6472 / 012 8247 6554 • Fax No.: (+202) 2521-3048 • Facebook: Cairo Philippine Embassy • e-mail: cairo: [email protected], [email protected] Samantala, bago ito tumindi ang crackdown operation ng mga otoridad laban sa mga taga-suporta ni dating Egyptian president Mohammed Morsi matapos na isailalim ang bansa sa national emergency ng interim government. Nagdulot ito ng daan-daang patay sa hanay ng mga raliyesta. Pero ayon sa Muslim Brotherhood, ang grupong sumusuporta kay Morsi, mahigit pa sa 2,000 ang nasawi. Una nag idinepensa ni Egypt interim PM Hazem Beblawi ang kautusan na pagbuwag sa protest camps sa Cairo sa layuning maibalik ang kaayusan sa kanilang bansa.
Posted on: Tue, 20 Aug 2013 05:27:12 +0000
Trending Topics
Recently Viewed Topics
© 2015