State Level Black Day-2013 Kanggui khopia kimang ding Kanggui, September 7 : Tukum Kuki BLACK DAY (SAHNIT NI) hi State pumpi hop-a angaija Sept.13 nile Kanggui khopia “JUSTICE and PEACE” ti thupi noija kimang ding ahi. Mona neilou Kuki hijeh-a lungsetna beihel-a ana kithat sopi mi 900 val ho chungthu akiseija, Dan dungjuija dihtah-a thutan na aumding ngaichat nale Chamna deinaa Kuki Black Day hi kimang ahiloule Sah kinit ji ahi tin Pu Ngamlen Haokip, Inf.&Pub.Secy.Kuki Inpi Sadar Hills in aseijin ahi. Tukum Kuki Black Day (SAHNIT NI) hi State Level a Brig. Thomas Ground,Kanggui khopia “JUSTICE and PEACE” ti thupi noija kimang ding ahitolhonin Committee hon major tribal organization tichu Kuki Inpi Manipur, United Naga Council, Zomi Council, Kuki Organization for Human Rights, Hmar Inpui, KOMREM le adang dang Sahnit kin op dia akouding ahi.Sadar Hills akin neija apanding tolhon na, Sadar Hills hopsunga Govt.a hihen private a hijongle School/College hon ama ama simlai Bu-VII sim apat achunglangse “Black Badge” kibeh-a kin op dia ahin puicheh diu, Nursery apat Bu-VI chan suty alhadiu ahi tin Pu Ngamlen Haokip in ahetsah tolhonin kho jousea Haosa Upa, Hou lamkai-Pastor, Reverend, Ordained Deacon hole amimal cheh thonlouva kin opna-a pangcheh din hetsahna aneijin ahi.Aman aseibena-a, Sahnit Ni hileh Sahnit jouse Pondum avom-a kisemcheh ding, inson-a ponvom khaidoh cheh teiding ahi ati.Sahnit Ni le koiman kholche, kholjin, golnop,golvah abollou ding,sumkolveina le thildanga kimanchahna ho jouse kikhahsoh ding ahi tin Pu Ngamlen Haokip in ahetsah be tolhonin koiman changval alhang ahiloule akho-a amanlou ding thakhatna Brig. Thomas Ground, Kanggui mun-a Sahnit khom ding ahi ati. Hiche ni hile thutan na dihtah aumthei nading le Chamna tahbeh thinglhang mite kah-a aumthei nading lee melsetah-a thisan kisoa kitha kimat tiho avella aukit louna dia “JAPI TAOKHOMNA” jong umding ahi.Alangkhatna, Sahnit Ni a lhandoh din mona bei ana kithat sopi 900 val ho hetjingna Song Kanggui Inspection Bungalow mai gam ong laija akisemin ahi.Hiche hetjingna Song hi li(4) akitungin achunga mi 900 val ho mincheh akisunin ahi.Hiche hetjingna Song kibolna chunga sum le pai sum le pai kithumna Receipt hole sum le pai ho agangthei pen-a Gl. Thangminlen Kipgen,Convenor Finance MMEVV kom lhutloi dia taona le hetsahna Pu Ngamlen Haokip in aneiban-a koitobang apangnom aumjongle lem ahijinge ati. Sept.13 Sahnit Ni kin hi ni(2) a kihom khen ding Akhatna(Sun Kin) hiding Anina(Jan Kin) hiding ahi.Jan Kin nahi Hetjingna Song kisemna mun-a Candle vahna le kin chomcha umding chule athiho lunghempina jong kinei ding ahi tia Pu Ngamlen Haokip in ahetsah tolhonin athi ho insungmi cheng thonlouva Sahnit Ni a pangcheh din temna aneijin ahi.
Posted on: Sun, 08 Sep 2013 04:39:42 +0000
Trending Topics
Recently Viewed Topics
© 2015