Suraj Ka Palat Aana …. . Hazrat Bibi Asma Binte Umais (RadiAllahu Ta’ala Anha) Ka Bayan Hai Ki “Khaibar” Ke Kareeb “Manjile Sahaba” Main Huzur (Sallallahu Ta’ala Alayhi Wasallam) Namaze Asar Padh Kar, Hazrate Ali (RadiAllahu Ta’ala Anhu) Ki God Me Apna Sar-E-Aqdas Rakh kar So Gaye, Aur Aap Par Wahi (Quraan Sharif Ki Aayat) Nazil Hone Lagi. Hazrat Ali (RadiAllahu Ta’ala Anhu) Sar-E-Aqdas Ko Apni Aagosh Mein Liye Bethe Rahe. Yahan Tak Ki Suraj Gurub (Dhal) Ho Gaya Aur Aapki Namaze Asar Qaza Ho Gayi. Jab Wahi Khatm Huyi Aur Aapne Apna Sar-E-Aqdas Uthaya Aur Aapko Yah Maloom Hua Ki, Hazrate Ali (RadiAllahu Ta’ala Anhu) Ki Namaz Qaza Ho Gayi Toh Aapne Dua Farmaee , “Ya ALLAH ! Yakinan Ali Teri Aur Tere Rasool Ki Eeta’at Mein The, Lihaza Tu Suraj Ko Wapas Lauta De, Taki Ali Namaz-e-Asar Ada Kar Le.” Hazrate Bibi Asma Binte Umais Kehti Hai Ki, “Maine Apni Aankho Se Dekha Ki Duba Hua Suraj Palat Aaya, Aur Pahado Ki Chotiyo Par Aur Zamin Ke Uper Har Taraf Dhoop Fail Gai. Refrence : >Zurkani Part-5 Page-113, >Shifa Shareef Part-1 Page-185, >Madarijunnubuvvah Part-2 Page-257, >Sirate Mustafa Part-20 Page-545
Posted on: Wed, 17 Jul 2013 09:32:11 +0000