TAHNA RUAM.. Hmanlai chuan Jerusalem chauh hi Israel ten Pathian biak pawp theihna hmunah ngaiin an hun pawimawhah te hian Jerusalem Zion tlanga Pathian be turin ram hla tak atangin an kal hram hram thin. Jerusalem an panna kawngah chuan Baca ruam antih hmun hi a awma, chu chu mittui tlakna hmun, Tahna ruam an tih thin chu ani. Chu hmun chu Thlaler hmun ro em em, tui leh daihlim pawh awmlohna hmun ani a, chu hmun an kal lai chuan an chakna zawng zawng an hmangzo ta emaw tih mai turin an chau ngawih ngawiha, hmalam pan zel chu harsa anti em em thin. An tui a hal huam huama, thing bawrchhawr te te ro rire bak a awmloh avangin an chau ngawih ngawiha, an nun tichaktu leh hmalam pan tir theitu chu zion tlanga Pathian an beiseina chauh chu ani thin. Tunah chau rih mah ila nakinah Zionah Pathian hnenah kan la thleng ngei ngei dawna, tuna kan hahna leh kan mittui tlakna te hi chu ka hre reng tawh ngai dawnlo ani tiin hmalam pan zel turin an infuih hram hram thin ani. Chu chu Sam ziaktu hian hlain alo dah ta ani.. Tahna ruam chu an zawhin tuihna awmnate an siam thar leh thina, Zionah Pathian hmaah an inlan theuh thin.... Lalpa mi leh rinawm taka a rawngbawla Khawvelin a pek theih hlimna zawng ve hmanlo khawpa Lalpa rawngbawl mek tute u.. Tahna ruam hi lo la zawh rih rawh u, Lalpa inla hmu dawna, chutih hunah chuan in tah thinna hi inhre reng tawhlo ang. Thiante tih ang pawh ti ve duh ngailo a Isua hming tana hrehawmna ah pawh Lalpa lam hawi hram hram thinte, Lalpa fiahna tawh mek vanga chhungkaw ke chheh la rem hleitheilo te. Mahni nun ngei pawh harsatna leh natna chi hrang hrangin a tuam mek te hi kan van lo tam em.. I mangan em avang leh i dam hleihtheih loh avangte, i tawngtaina chhana awmlo ni a inhriaa i beidawn run ruma; hmalam pan zel harsa i tih ngawih ngawihna nun atang ngei pawh khan Lalpa lakah hel mai loin hmalam panin pen lui hram hram rawh Lalpa hi i chanvo ala ni ngei ngei dawna, chu chu a tiam che ani. I hrehawmna atang ngei pawh khan hmalam pan tum talg zel rawh. Buauna piaha bi engmawi lo lang tur hi i chanvo ani ngei dawn si a.. Lalpa kut chu a duhzawng ti thintu te malsawm tur hian a inring reng si a.. Lalpan malsawm che rawh se..
Posted on: Sat, 12 Jul 2014 16:26:52 +0000
Trending Topics
Recently Viewed Topics
© 2015