TUKMANG NUTRISYON ALANG SA MGA KABATAAN GITUTOKAN SA DAKBAYAN Padayon ang Buhatan sa Nutrisyon ug City Nutrition Council sa pagpahigayon sa mga kalihokan aron sa pagbulok sa Nutrition Month sa mga kabarangayan ning dakbayan sa katuyu-an nga kanunay nga masilsil sa mga huna-huna sa mga katawhan ang kamahinungdanun sa nutrisyon sa atong panglawas, ilabina ang nutrisyon sa mga kabataan dinhi sa dakbayan. Alayon sa pagpahigayon sa nutrition-related activities, nasayran nga gitutukan sa CNC ug Nutrition Division sa Buhatan sa Mayor ang 5 ka hinungdan sa malnutrisyon sa pipila ka mga kabataan sa kabarangayan nga naglangkob sa mosunod: protein energy malnutrition, vitamin A deficiency, iron deficiency anemia, iodine deficiency disorders ug obesity. Ug aron sa pagtubag ning maong problema sa malnutrisyon, gi-implementar karon sa kagamhanang lokal sa Dipolog ilawom sa administrasyon ni Mayor Evelyn T. Uy ang impact programs nga maoy makatabang sa pagsulbad sa malnutrisyon ug pagpalambo sa maayong panglawas sa mga katawhan. Ang impact programs nga gipahigayon sa mga kabarangayan naglangkob sa Home, School and Community Food Production Program, Food Assistance Program, Food Fortification, Micronutrient Supplementation, Livelihood Assistance, Nutrition Information, Communications and Education Program, ug Nutrition in Essential Maternal and Child Services Program. Dugang niini, gipadayon usab ang pagpromoter sa vegetable backyard gardening sa mga kabalayan ug tulunghaan sa kabarangayan, aron matugunan ang kakulangon sa mga utanon nga angay sa pagmintinar nato sa maayong nutrisyon sa atong mga pagka-on. Sa laing bahin, atol usab sa pag -obserbar sa usa ka bulan nga Nutrition Month karong bulan sa Hulyo, mipa-ilawom usab ang kagamhanang lokal sa usa ka regional evaluation may kalabot na sa implementasyon sa programa sa nutrisyon dinhi sa dakbayan. Ang grupo sa evaluators naglangkob nila ni Ms. Nimfa Econg – nga gikan sa National Nutrition Council; Ms. Fe Sedillas sa Departamento sa Edukasyon; ug Ms. Evelyn del Mar nga gikan sa Dept. of Agriculture. Sa nasuta nila, natugunan sa kagamhanang lokal ang pipila ka mga kabataan nga natalang malnourished ug midayeg nga daghanang kabataan ang misalmot isip A-1 Child, nagpasabot nga ang mga kabataan sa dakbayan, himsog, asgot ug aktibo. Dugang niini, mipadayag usab sila sa ilang pagdayeg ngadto sa administrasyon ni Mayor Evelyn T. Uy gumikan sa gidaghanon sa mga awards ug recognition nga nadawat sa kagamhanan ilabi na kadtong alayon sa nutrition program sama sa Red Orchid Award sa DOH, Seal of Goodhousekeeping sa DILG, ug uban pang awards nga nakahatag kanila ug maayong impresyon may kalabot na sa maayong pagdumala ni Mayor Uy. (cio-prr)
Posted on: Tue, 23 Jul 2013 09:26:36 +0000
Trending Topics
Recently Viewed Topics
© 2015