Tanod ginluthang sang barangay kapitan sa Capiz Written by Bombo Roxas Published in Ilongo Sunday, 29 September 2013 03:55 ROXAS CITY - Indi pa matumod ang tul-id nga motibo sa nagluntad nga pagpangluthang sa barangay tanod nga ginkadalahigan sang isa ka barangay kapitan sa Barangay Salgan, Maayon, Capiz. Yara na sa kustodiya sang pulisya ang kapitan nga si Roberto Dellava, 48-anyos, samtang at-large naman ang utod sini nga si Elmer Dellava nga amu nga ginatudlo nagluthang kay Joselito Pedalgo, tanod sang Barangay Sinabsaban, Cuartero, Capiz. Nag-angkon sang pilas sa paa kag kamot si Pedalgo matapos gintiro sang mag-utod sa guwa sang bilasyunan. Ginpahayag ni Inspector Jesus Iglesia, ang hepe sang Maayon police station nga naguwa ang biktima sa bilasyunan para magpangihi sang ginsunod sang mag-utod kag ginluthang. Narekober sang kapulisan ang duha ka empty shell sang kalibre .45 nga pusil nga gingamit sa pagtiro sa biktima. Lunsay naman ginapanginwala sang kapitan ang mga alegasyon sang biktima. - See more at: bomboradyo/regional-news/ilongo/item/24605-tanod-ginluthang-sang-barangay-kapitan-sa-capiz#sthash.nAL4wbjK.dpuf
Posted on: Sat, 28 Sep 2013 23:21:47 +0000
Trending Topics
Recently Viewed Topics
© 2015