Teri Bahut Yaad Aati Hai Ek umar thi jab saath khela karte the Phir ek umar aayi jab aankhon mein sapne liye chala karte the Aaj Ek raah par kadam ladkadaye Aas paas to koi nahi tha,Dekha peeche mud kar to, E-Dost Tu bhi na nazar aaye... Zindagi mein Kabhi-Kabhi kuch baaton se pareshaan ho jate the Phir milkar ek dusre ko samjhaate the... Aaj bhi woh pal yaadein ban kar dil mein reh jaati hai E-dost, teri bahut yaad aati hai... Jab bhi ghar par choti-choti baaton se ladkar tere paas aa jaata tha Collage ke darwaaze ke paas jo seedhiya thi wahi baith jaata tha, Wahi baithkar tujhe dil ki har baat keh jaata tha, Har baat pe tera woh kehna ke... "Apne aap ko inta senti kyon kar lete ho, Badon ki baaton ko itna dil pe kyon le lete ho" DOST, aaj bhi woh baat shayad choti hi hoti hai Par koi samjhaane wala nahi,isliye yeh aankhein roti hai.. Aaj bi jab takhta hoon uss jageh ko to, Aaj bi apni parchai mujhe waha dikhti hai Par tujhe jab dhoondta hoon to tasveer dhoondli si kyon lagti hai... Ab apni khamoshi bhi kuch keh jaati hai E-dost, teri bahut yaad aati hai... Jab bhi pocket-money milti thi to bade bade sapne dekha karte the Dus din bhi nahi guzre ke jeb apni khaali kar diya karte the Sirf Bike mein Petrol ke paise bachakar saath phir liya karte the Jab bhi kahin jaana ho to apne purse ek dusre se chupa liya karte the Aaj dekh zindagi ka manzar kuch aur kehta hai Aankhein wahi hai ,aankhon mein sapne wahi hai Par waqat zindagi ki tasveer badal deta hai... Kuch pal ko yaad kar yeh aankh aaj bhi muskuraati hai E-dost, teri bahut yaad aati hai... Yaad hai mujhe , jab bichadte waqt tune kaha tha "E-dost hamesha dua karna,kuch sapno ko mujhe hai haqeeqat mein badalna" Aaj bhi woh pal, woh ghadiya aankhon mein tahar jaati hai E-Dost, teri bahut yaad aati hai... Kuch dost aise hote hai jinhe yaadein nahi bhool paati hai Woh dost anmol hote hai, jab dil se dosti ki jaati hai.. Aaj bhi dekhta hoon dosto ko saath rehte hue Kabhi gale milte,kabhi ladte jhagadte hue In doston ko saath dekh,aankhein meri bhar jaati hai E-dost, teri bahut yaad aati hai... Aaj jab uss dost ne mujhe phone karke rote hue kaha "yaar, zindagi bahut tez guzar jaati hai Kabhi-kabhi mehfil mein bhi tanhai nazar aati hai" Uski iss baat par ussi ke alfaaz usse dohraaye "APNE AAP KO ITNA SENTI KYON KAR LETE HO..." MAIN HAIRAAN HOON,TU BHI AANKHON MEIN AANSU BHAR LETE HO... AAP SAB SE EK BAAT KEHTA HOON SACHE DOST BANANA BAHUT MUSHKIL HAI AUR NIBHANA USSE BHI MUSHKIL, PAR, SACHE DOSTO KO BHOOL PANA SABSE MUSHKIL aaj zubaan par mere woh baat phir aayi E-DOST TERI BAHUT YAAD AAYI...." Dekho Na Mai Fir Senti Ho Gaya.........
Posted on: Tue, 23 Jul 2013 22:44:32 +0000
Trending Topics
Recently Viewed Topics
© 2015