Thil har Tlawmna nun mawlh mai hi. Edwin Stanton-a ang reng reng a, Abraham Lincoln-a tinawmnah kha an awm lo ang an ti hial thin. Lincoln-a policy reng reng sawisel loh a nei lo a, Bum hmangah chuan a lak tlak loh ber chi a ni tiin a sawisel fo thin. Gorilla Thlahtu Hmuhsitawm tiin hming lem a vuahsak a, thil thar dapa zin thin Paul Da Chaillu pawh Africa khawmualpuia gorilla man tur a a kal chu a nuihzat a; Missoury atate-a Springfield khuaah hian awlsam taka man tur an awm reng si a, tiin Lincoln-a deuhsawhna tawngkam a chhakchhuak thin a. Lincon-a chuan a chhàng let lo mai ni satliah lovin, nihna chanvo ropui lutuk, War Minister a tàn a la ruat ta deuh deuh a!!. Minister tha ber leh chak berah a ngai lui tlat a, zahlet em em zawk niawm fahranin a la en bawk. Hun te a liam ve zel a.... Abraham Lincoln-a an kah hlum zan khan, a ruang an dahna pindanah EDWIN STANTON-a Lincoln-a tinawmnah thintu chu a ding a....Mittui tla zawih zawih chungin a en renga, tap chungin Khawvelin roreltu a neih tawh zawng zawnga ropui ber mai chu heti mai hian a zal ta maw! tiin a tawng chhuak ta ani. Hmangaih taka dawhtheihna chuan a tawpah chuan hnehna a chang thin. Tlàwm tak atanga mi hneh thinte hian Leiah leh vanah hming an chher a lo ni. Heroda leh Nero-a tekha Khawvel hian engtin nge kan hriat zui tak zel tihah tepawh hian a chiang awm e. Miten an zah chu inti zahawm ngai lo mi an ni tlat.
Posted on: Sat, 09 Aug 2014 14:18:31 +0000
Trending Topics
Recently Viewed Topics
© 2015